AM:09:26:03/08/2025
832 جار خوێندراوەتەوە
+
-
١١سال بسەر هێرشا دەولاتا ئیسلامی ل عێراقێ و شامێ
ناسیار ب "داعش" دەرباز دبن بۆ سەر شنگالێ، کو ب وی سەدەمی هزاران ژن و
زاروکێن ئێزدی هاتنە کوشتن، هزاران ژن و کچ و زاروک ژی ژلایێ وان چەکداران ڤە هاتینە
ڕەفاندن، ئەو یەکژی ب سەدەمێ بجهێلانا وی باژێری بێ بەرەڤانیکرنێ ژلایێ هێزا دەستهەلادارا
وی دەمی یا دەڤەرێ "پارتی".
ئەڤرۆ ئێکشەمبی، ٢ـی ئاب، ١١ سال بسەر کۆمکۆژیا
شنگالێ و جینۆسایدا ئێزیان دەرباز دبن، وێ رۆژێ ب بەرەڤانیکرنێ وەلاتیێن ئێزدیی
شنگال بجهـ هێلا و پێشکێشێ چەکدارێن داعش کر، بتنێ د وێ رۆژێ دا چەکدارێن داعش
هزار ٢٩٣ وەلاتیێن ئێدزدی کوشتن.
"دەسپێکا وێ هێرشێ"
پشتی دوو مەهان ژ داگیرکرنا موسل ژلایێ داعش ڤە،
بەرێ سپێدەها ٣ـی ئابا ٢٠١٤ چەکدارێن جلک رەش و ئالا رەش هێرشکرنە سەر شنگال، ل دەمژمێر
١٠ـی سپێدێ ب تەمامی شنگال داگیر کر و ئێزدیان ب بێ بەرەڤەنیا پاراستنێ کەفتنە بەردەستێ
وان، ئەڤە ژی بسەدەمێ وێ یەکێ کو ئەو هێزا وی دەمی ل وێ دەڤەرێ دەستهەلادار بووی بەرەڤانی
ژێ نەکر و شنگال چۆلکر، بڤێ ژی ئێزدی هاتنە جینۆساید کرن.
هەر د وێ کۆمەلکۆژیێ دا، دوو هزار و ٨٥٥ کەس
هاتنە کوشتن کو هزار و ٢٦٢ کەس ژوان ئافرەت بوون، شەش هزار و ٤١٧ کەس ژی رەفاندن
کو سێ هزار و ٥٤٨ کەس ژوان ئافرەت بوون، تا نها زێدەتری حەفت هزار کەس بێ سەروجهن
کو زێدەتری سێ هزار و ٥٠٠ کەس ژوان ئافرەتن، ئەڤە ژبلی کو دەست درێژی کرنە سەر و د
بازاران دا وەکی کۆێلەیان فرۆتن.
"چیایێ شنگالێ و رزگارکرنا ئێزیدیان"
پشتی داگیرکرنا شنگالێ ژلایێ داعشێ ڤە و بجهـ
هێلانێ ب بێ بەرەڤانیکرن، ئێزدیان وەکی داوی دەرگەهـ بۆ دەرکەفتنێ، بەرەڤ چیایێ
شنگالێ چوون و ١٠ رۆژان ل وی چیایی مان.
د چەند رۆژێن ئێکێ دا و ب سەدەمێ دەربەدەربوونا
وان ژلایێ چەکدارێن داعس ڤە، دشیان دا نەبوو چ هەڤکاریەکێ بۆ ئێزدیێن چیایێ شنگالێ
بگەهینن، تا دیڤدا و ب رێکا بالەفڕەکا ئەمریکی ڤە، هەڤکاری گەهاندنە وان وەلاتیێن
ئێزدیێن لسەر وی چیایی.
بەشەک ژ ئێزدیان ب سەدەمێ دژواریا وی چیایی و کێمیا
خارنێ و ئاڤێ ژیانا خۆ ژدەستدان، تا دیڤدا ژلایێ "یەپەگە" و هێزێن پێشمەرگەی
ڤە دەرگەهەک بۆ رزگارکرنا وان ڤەکر و بەشەک ژوان ب رێکا رۆژئاڤایێ کوردستانێ و دیڤدا
ب رێکا دەرازینکا سێ مالکا ڤە گەهاندنە هەرێما کوردستانێ و ل چەند کەمپێن سنورێ دهۆکێ
هاتنە ئاکنجیکرن، بەشەک ژوان ژی کو هژمارا وان ١٠ هزار کەس بوون، ل رۆژئاڤایێ
کوردستانێ و ل کەمپا نەورۆز هاتنە ئاکنجیکرن.
"دەستهەلاتا ١٥ مەهی یا داعش و کۆنترۆلکرنا
شنگالێ"
رۆژا ١١ـی تشرینا دووێ یا سالا ٢٠١٥ ئۆپراسیۆنا
کۆنترۆلکرنا شنگالێ ب پشکداریا شەرڤانێن یەکینەیێن پاراستنا شنگالێ "یەبەشە"،
یەکینەیێن پاراستنا گەل"یەپەگە" هێزێن پاراستنا گەل "هەپەکە".
و هێزێن پێشمەرگەی، ب هەڤکاریا بالەفرێن شەڕیێن هەڤپەیمانان دەست پێکر و پشتی دوو
رۆژان و ل ١٣ـی تشرینا دووێ دا شیان پشتی ١٥ مەهان، داویێ ب دەستهەلاتا داعش ل وی
باژێری بئینن و وی باژێری کۆنترۆل بکەن.
ل پشتی رزگارکرنا شنگالێ، شەڕڤانان و هێزێن پێشمەرگەی
سێ هزار و ٥٦٨ کەس ل دەستێ داعش رزگارکرن کو هزار و ٢١٣ کەس ژوان ئافرەت بوون و زێدەتری
دوو هزار کەس ژی زاروک بوون.
"ئاوارەبوونا ئێزدیان"
ئەو هێرشە بوو سەدەمێ وێیەکێ کو ٣٦٠ هزار ئێزدی
دەڤەرێن خۆ بجهـ بهێلن و ئاوارە ببن، ١٠ هزار ئێزدی ژی چوونە دەرڤەی ولاتی، تا نها
ژی نێزیکی هزار و ٣٤٠ ژن و زێدەتری هزار و ٥٠٠ زەلام د دەستێ داعشێ دانە، هەر ژبەر
وێ هێڕشێ، زێدەتری دوو هزار زاروک ژی بێ دایک و باب بوون.
ل پشتی وان هێرشان تا نها، زێدەتری ٨٠ گۆڕێن بکۆم
و چەندین گۆڕێن تاکە کەسییێن ئێزدیان ل شنگالێ و دەردورێن وێ هاتینە دیتن.
"ئاوارەبوونا ئێزدیان"
ئەو هێرشە بوو سەدەمێ وێیەکێ کو ٣٦٠ هزار ئێزدی
دەڤەرێن خۆ بجهـ بهێلن و ئاوارە ببن، ١٠ هزار ئێزدی ژی چوونە دەرڤەی ولاتی، تا نها
ژی نێزیکی هزار و ٣٤٠ ژن و زێدەتری هزار و ٥٠٠ زەلام د دەستێ داعشێ دانە، هەر ژبەر
وێ هێڕشێ، زێدەتری دوو هزار زاروک ژی بێ دایک و باب بوون.
ل پشتی وان هێرشان تا نها، زێدەتری ٨٠ گۆڕێن بکۆم
و چەندین گۆڕێن تاکە کەسییێن ئێزدیان ل شنگالێ و دەردورێن وێ هاتینە دیتن.
.png)
.png)
