PM:04:39:29/07/2025
3180 جار خوێندراوەتەوە
+
-
پەرلەمانتارەکێ پارتی ل پەرلەمانێ عێراقێ دبێژیت، حکومەتا دەم
بسەرڤەچووی بەرهەڤیان دکەت بۆ هنارتنا داهاتێ نە پەترۆلی و رادەستکرنا پەترۆلێ، دبێژیت
ژی، هویربینی د لیستا مووچەیێ هەیڤا شەش دا تەمام بوویە.
ئەڤرۆ سێشەمبی، شێروان
دووبەردانی پەرلەمانتارێ فراکسیۆنا پارتی ل پەرلەمانێ عێراقێ بۆ میدیایا حزبا خۆ
راگەهاند، حکومەتا دەم بسەرڤەچووی بەرهەڤیان دکەت بۆ هنارتنا داهاتێ نە پەترۆلی و
رادەستکرنا پەترۆلێ، هەروەسا هویربینی د لیستا مووچەیێ هەیڤا شەش دا تەمام بوویە و
تەرزایا پێداچوونا وێ هەیڤێ ژی رەوانەی بەغدا هاتیە کرن.
هەڤدەم، ژێدەرەکێ فەرمی ژی بۆ ئێن ئاڕ تی راگەهاند، بڕیارە د ڤێ
حەفتیێ دا شاندەکێ عێراقێ لسەر دوو پرسان سەردانا هەرێمێ بکەت، ئێک ژوان بابەتێ ب
بەنکیکرنا مووچەی یە، دووەم ژی پرسا لدویفچوونێ یە بۆ داهاتێ ناڤخۆیێ هەرێمێ.
هەروەسا ژێدەرەکێ ژی ژ حکومەتا دەم بسەرڤەچووی بۆ ئێن ئاڕ تی گوتی، ١٢٠
ملیار دینارێن داهاتێ ناڤخۆ یێ هەیڤا دەربازبووی بەرهەڤە، لێ هێشتا بڕیار د ئاستێ
بلند دا نەهاتیە دان و ئەو کۆژمەیێ رادەستی حکومەتا بەغدا هاتیە کرن، هەڤدەم داخاز
ژ بەغدا هاتیە کرن کو بۆ هەیڤێن بهێت پێداچوونێ د وان ١٢٠ ملیار دیناران دا بهێتە
کرن و بەشەک بۆ ناڤخویا هەرێمێ بهێتە هەلگرتن، لێ حکومەتا عێراقێ گوتی یە تا وی
دەمێ رێککەفتنێن دی دهێنە کرن، پێدڤیە هەیڤانە ئەو ١٢٠ ملیار دینارە بهێنە رادەستکرن.