AM:10:01:20/07/2025
924 جار خوێندراوەتەوە
+
-
بەرپرسەکێ یەکێتیێ بۆ میدیاێین گوت، بزاڤ دهێنەدان بەری هەلبژارتنا
پەرلەمانێ عێراقێ حکومەت بهێتە پێکئینان و د ڤێ حەفیێ دا پارتی و یەکێتی دەربارەی ڤێ
پرسێ دێ کۆمبن.
ئەڤرۆ ئێکشەمبی، بەرپرسەکێ بلندێ یەکێتیێ بۆ میدیایا پارتی راگەهاند، د
ڤێ حەفیێ دا پارتی و یەکێتی دەربارەی پێکئینانا کابینەیا نوییا حکومەتێ دێ کۆمبن،
پشتی ئێکلایی بوونا پرسا مووچەی و ئاریشەیێن دناڤبەرا هەرێم و بەغدا دا، بڕیارە
کۆمبوون دەربارەی پێکئینانا کابینەیا نوییا حکومەتێ بهێتەکرن.
راگەهاند ژی، هەمی بزاڤ دێ هێنەدان بەری هەلبژارتنا پەرلەمانێ عێراقێ کابینەیا
نوییا حکومەتێ بهێتە پێکئینان.
دووهی ژی مەسرور بارزانی سەرۆکێ حکومەتا دەم بسەر ڤەچووی گوت، دڤێت
بەری هەلبژارتنا پەرلەمانێ عێراقێ کابینەیا نوییا حکومەتێ بهێتە پێکئینان.
ئەڤەژی ددەمەکی دایە، بۆ دەمێ نەهـ هەیڤانە هەلبژارتنا پەرلەمانێ
کوردستانێ هاتییە ئەنجامدان و تانها نە دەستەیا سەرۆکایەتییا پەرلەمانێ هاتییە
هەلبژارتن نە کابینەیا نوییا حکومەتا هەرێمێ هاتییە پێکئینان.