PM:02:08:19/07/2025
1980 جار خوێندراوەتەوە
+
-
پەیڤدارێ ئێکەتیا
خانەنشینێن کوردستانێ بۆ ئێن ئاڕ تی گوت، خانەنشینێن نوی کو ژ هەیڤا پێنج ڤە
هاتینە تۆمارکرن، پێنج مووچەیان دێ وەرگرن و خانەنشینێن هەیڤا حەفت ژی پشتی دوو بۆ
سێ هەیڤان، مامەلەیێن وان دێ هێنە تەمامکرن.
ئەڤرۆ شەمبی، سادق شێخ
عوسمان، پەیڤدارێ ئێکەتیا خانەشینێن کوردستانێ بۆ ئێن ئاڕ تی راگەهاند، ئەو کەسێن
کو ل هەیڤا پێنجا ڤێ سالێ هاتینە خانەنشین کرن یان ئەوێن کو مامەلەیا کرینە و د
هەیڤا پێنج دا ناڤێنوان هاتینە تۆمارکرن، دێ پێنج مووچەیان لسە ئێک وەرگرن کو
مووچی هەیڤا ئیک تا پێنج دگریت، هژمارا خانەنشینێن نوی بۆ ڤێ لیستا مووچەیی
دگەهیتە پێنج هزار کەسان.
دەربارەی تەمامبوونا مامەلەێن
خانەنشینێت ڤێ هەیڤێ ژی گوت، ئەو خانەنشینێن د هەیڤا حەفت دا هاتینە خانەنشین کرن،
مامەلەیێن وان دی دووسێ هەیڤ پێڤەچن، بڤێ ژی پێتڤیە مووچەیێ سێ هەیڤان ب وان بهێتەدان،
ئەڤەژی ئەگەر حکومەتا دەم بسەرڤە چووی پشتگوهـ نەهاڤێژیت.
گوت ژی، بۆ رێکخستنا ڤێ
مووچەیێ کەفتیە سەر ئێک، پیتڤیە پرۆسە تا هەیڤا هەشت بەردەوام بیت، لێ دەمی هنارتنا
مووچەیێ کەفتیە سەر ئێک نەدیارە و ئەگەر حکومەتا دەم بسەرڤەچووی پێگیری رێککەفتنێن
بەغدا بیت، پروسەیا دابەشکرنا مووچەیێ خانەنشینان ب باشێ برێڤە دچیت.