PM:05:29:10/07/2025
1244 جار خوێندراوەتەوە
+
-
کۆمسیۆنا بلندا سەربەخۆیا هەلبژارتنێن عێراقێ، رۆژا دەسپێکرن و دوماهی
هاتنا بانگەشەیا هەلبژارتنا پەرلەمانێ عێراقێ ئاشکرا کر و دبێژیت، رۆژا ٩ی تشرینا ئێکێ یا ئەڤسالە دێ دەسپێکەت
و ل ٨ی تشرینا دووێ دێ ب دوماهی هێت.
ئەڤرۆ پێنجشەمبی، حەسەن هادی، ئەندامێ تیما راگەهاندنا کۆمسیۆنا بلندا سەربەخۆیا
هەلبژارتنێن عێراقێ گوت، تا نها ٧٣٧ هزار کەسان، فۆرمە تژیکرینە، بۆ وێیەکێ کو ل رۆژا
هەلبژارتنێ وەک کارمەندێ کۆمسیۆنێ کاربکەن.
ئاماژە ب وێیەکێ ژی کر، بانگەشەیا هەلبژارتنێ ل رۆژا ٩ی تشرینا ئێکێ دی
دەسپێکەت و رۆژا ٨ی تشرینا دووێ دێ ب دوماهی هیت، ئانکو ٢٤ دەمژمێران بەری ب دوماهی
هاتنا دەنگدانا تایبەت، د دەمەکێ دایە بڕیارە ل رۆژا ١١ تشرینا دووێ یا ئەڤسالە هەلبژارتنا پەرلەمانێ عێراقێ بهێتە ئەنجام دان.
گوت ژی، د دەمی بانگەشەیا هەلبژارتناندا هەر بەربژێرەک یان لیستەک بنپیکاریەکێ بکەت، لدویف جۆرێ بنپیکاریێ دێ ژ ملیۆنەکی تا ٢٥ ملیۆن دیناران هێتە سزادان، د هندەک حالەتاندا دبیت
بهیتە دویرئێخستن ژ پروسەیا هەلبژارتنێ.