PM:12:29:22/04/2025
700 جار خوێندراوەتەوە
+
-
زیندانیەکێ چاکسازیا
مەزنا سلێمانیێ رەڤی، لدویف زانیاریێن ئێن ئاڕ تی، ل دەمێ موهلەتێ چوویە دەر و
نەڤەگەڕیایە.
ئەڤرۆ سێشەمبی، ژێدەرەکی
ژ چاکسازیا مەزنا سلێمانیێ بۆ ئێن ئاڕ تی راگەهاند، ئەو زیندانیە ل دەمێ موهلەتا
خۆ یا ئاسایی رەڤیە، ئانکو دناڤا زیندانێ دا نەرەڤیە.
ئاماژە ب وێ یەکێ ژی کر،
ئەو زیندانیێ رەڤی ب توهمەتا بازرگانیا ماددەیێن هشبەر هاتبوو زیندانیکرن و سزادان.
لدویف زانیاریێن ئێن ئاڕ
تی، ئەو زیندانیە د نها دا چوویە دەرڤەی کوردستانێ و عێراق.
ئەڤە د دەمەکی دایە،
بەری نها ل چاکسازیا مەزنا سلێمانیێ زیندانیەک پشتی کو برایێ وی سەرەدانا وی کری ل
زیندانی و لەهەڤگۆهارتنا جلوبەرگێن ئێکودوو، زیندانی شیا ژ زیندانێ برەڤیت و برایێ
وی ل جهێ وی د زیندانێ دا مایەڤە.