PM:12:55:19/03/2025
4696 جار خوێندراوەتەوە
+
-
هەرچەندە شەڤا
دەربازبووی وەزارەتا داراییا حکومەتا رێڤەبرنا کاران ڕاگەهاند، وان لیستا مووچەیێ
هەیڤا سێ رادەست بەغدا کریە، لێ ژێدەرەکی ژ وەزارەتا داراییا عێراقێ بۆ ئێن ئاڕ تی
راگەهاند، تا نها لیستا مووچەیێ هەیڤا سێ یێ مووچەخۆرێن هەرێمێ بۆ بەغدا نەهاتیە
هنارتن.
ئەڤرۆ چارشەمبی، ژێدەرەکی
ژ وەزارەتا داراییا عێراقێ بۆ ئێن ئاڕ تی ڕاگەهاند، تا نها لسیتا مووچەیێ
مووچەخۆرێن هەرێمێ بۆ هەیڤا سێ بۆ وان نەهاتیە هنارتن و چاڤەرێ هەرێمێ دکەن.
ئاماژە ب وێ یەکێ ژی کر،
هاتینە هایدارکرن کو لژنەیەکا تەکنیکییا حکومەتا رێڤەبرنا کاران دێ سەرەدانا وەزارەتا
داراییا عێراقێ کەت بۆ گوتوبێژکرن کرن ئاریشەیێن مووچەی و رادەستکرنا لیستا مووچەیێ
هەیڤا سێ.
ئەو یەکژی بەرچاڤکر،
پشتی گەهشتنا لیستا مووچەیێ هەیڤا سێ یێ مووچەخۆرێن هەرێمێ دێ دەست ب هویربینیا لیستێ
هێتەکرن و تا دەمێ تەمام بوونا هویربینیێ دڤێت هەرێم پارەیێ داهاتێ ناڤخۆ یێ هەیڤا
سێ رادەستی بەغدا بکەت و ئەگەر ئاریشەیەک د لیستێ دا هەبیت چارەسەر بکەت.
نووچەگەهانێ ئێن ئاڕ تی ژی
بەحسا وێ یەکێ کر، ئەگەر حکومەتا رێڤەبرنا کاران چ ئاریشەیان دروست نەکەت بەری
جەژنا رەمەزانێ بەغدا دێ پارەی بۆ هەرێمێ هنێریت بۆ دابەشکرنا مووچەیێ هەیڤا سێ.
ئەڤە د دەمەکی دایە،
شەڤا دەربازبووی وەزارەتا داراییا حکومەتا رێڤەبرنا کاران راگەهاند، لیستا
مووچەیێ هەیڤا ئادارێ یێ فەرمانبەر و مووچەخۆرێن هەرێمێ، روانەی بەغدا هاتە کرن.