PM:08:46:03/10/2023
1760 جار خوێندراوەتەوە
+
-
دەستەیا وانەبێژێن
نەرازی ڕاگەهاندن، مامۆستایێن وانەبێژ ل هەرێمێ چاڤەرێ وێیەکێ بوون پشتی ١٧ رۆژان
ژ دەربرینا نەرەزایان، هەیا نها شایستەیێن مەها حەفت وەرنەگرتینە، هەر ژبەر وێیەکێ
بەردەوام دبن لسەر خۆنیشاندان و داخازیێن خۆ و دەرگەهێن ناڤەندین خاندنێ ناڤەکەن.
ئەڤرۆ سێشەمبی، دەستەیا وانەبێژێن نەرازی ڕاگەهاند، ئەو
چاڤەرێبوون پشتی ١٧ رۆژان ژ نەرەزایی و خۆنیشاندانین بەردەوام و داخستنا هۆلێن خاندنێ
و بێ بەهربوونا هزاران وەلاتیان ژ خاندنێ، ل جهێ کو حکومەت بەرسڤا داخازیێن وان
بدەت، وەزارەتا پەروەردێ سوپاسیا مامۆستایان دکەت، دبێژن ژی، "سوپاسی کرن
بەریکا مامۆستایان گەرم ناکەت".
ئەو یەکژی هاتیە بەرچاڤکر، ب ڕاگەهاندنا وەزارەتا
پەروەردێ مامۆستایێن نەرازی زیدەتر رژد بن لسەر هەلویستێن خۆ و درێژەدان بن خۆنیشاندانان
و نەڤەکرنا دەرگەهێن هۆلێن خاندنێ.
ئاماژە ب وییەکێ ژی کرن، وەزارەتا پەروەردێ ل جهێ گڤاشتنان ل جڤاتا وەزیران و سەرۆکێ
حکومەتێ هەیا ب زوویترین دەم نڤیسارا دامەزراندنا ل جڤینا جڤاتا وەزیران بهێتە
گوتوبێژکرن و بڕیار لسەر دامەزراندنا مامۆستایێن وانەبێژ بهێتەدان، دڤێت ب رێکا
رێڤەرییة پەروەردەیان گڤاشتنان بکەت بۆ ڤەکرنا دەرگەهێن ناڤەندێن خاندنێ.