PM:08:36:03/10/2023
1196 جار خوێندراوەتەوە
+
-
لدیڤ زانیاریێن دیجیتال میدیایا ئێن ئاڕ تی، گوندێ ئێندزە
ل بنارێ قەندیل ب رێکا بالەفرێن بێ بالەفڕڤان بۆمبەرباران کر.
ژێدەرکی بۆ ئێن ئاڕ تی ڕاگەهاند، ل دەسپێکێ بالەفڕێن بێ
بالەفڕڤان ب مەرەما پشکنینێ هاتینە دەڤەرێ و بۆ دەمەکێ ل ئاسمانێ دەڤەرێ زڤرینە، و
پشترا بالەفرێن شەرکەر ئەو دەڤەرە بۆمبەبارانکر.
ڕاگەهاند ژی، د نها دا ب دژواری بۆمبەبارانا دەردورێ
گوندێ ئیندزە ل بنارێ قەندیل دهێتەکرن.
ئاماژە ب وێیەکێ ژیکر، ژبەر کو ئەو جهە جهەکێ چیایە و
دژوارە هەیا نها زیان نەهاتینە زانین.
ئەو یەکژی بەرچاڤکر، بالەفڕ ب بەردەوامی و بنزمی ل
ئەسمانێ وی گوندی دزڤرن و ترسەکا زۆر لدەڤ وەلاتیێن وی گوندی دروستکریە.
حەفتیا دەربازبووی، گوندێ بۆکریسکان ل بنارێ قەندیل ب رێکا
بالەفڕێن بێ بالەفڕڤان هاتە بۆمبەبارانکرن و ب وێ سەدەمێ کەسەکی ژیانا خۆ ژ دەستدا
و دوو کەسێن دی ژی برینداربوون، هەڤدەم شەڤا دەربازبووی، د ئێک دەم دا زێدەتری ١٠
دەڤەرێن سنوورێ قەندیل و سنوورێ برادۆست و سنوورێ ناحیا قەسرێ بۆمبەباران کرن.
کەریم کەیفی - سۆران