PM:08:31:03/10/2023
528 جار خوێندراوەتەوە
+
-
بریکارێ وەزارەتا دارایی ل عێراقێ ڕاگەهاند، عێراق نەشێت
راستەوخۆ مووچەیێ فەرمانبەرێن هەرێمێ بدەت و پێدڤیە ب رێکا حکومەتا هەرێمێ
مامەلەیێ بکەت.
ئەڤرۆ سێشەمبی، مەسعود حەیدەر بریکارێ وەزارەتا دارایی ل عێراقێ ڕاگەهاند، لدیڤ
دەستورێ عێراقێ، حکومەتا عیراقێ نەشێت راستەوخۆ مووچەی یان هەر مەزاختنەکا دی بۆ
هەرێمێ خەرج بکەت، بەلکوو پێدڤیە هەمی مامەلەیەکا دناڤبەرا هەرێمێ و بەغدا ب رێکا
سازیێن هەردوو ئالیان بیت.
ئەو ئەکژی بەرچاڤکر، لدیڤ یاسایا بودجەی ل سالا ٢٠٢٣ـێ
پێدڤیە حکومەتا ناڤەندی ب رێکا وەزارەتا داراییا هەرێمێ مەهانە ٧٧٥ ملیار دیناران بۆ
مووچەیێ هەرێمێ بمەزێخیت.
ئەڤە ژی د دەمەکێدایە، نەوەی نوێ و چەند فراکسیۆنێن دی
بزاڤا وێیەکێ دکەن حکومەتا ناڤەندی راستەوخۆ شایستەداریێن فەرمانبەرێن هەرێمێ
دابین بکەت، بۆ ڤێ مەرەمێ ژی فراکسیۆنا نەوەی نوێ پرۆژەیەک بەرهەڤکر بۆ کو حکومەتا
ناڤەندی د دەمێ خۆدا مووچەیێ فەرمانبەران بئێخیتە سەر هژمار بەنکیا فەرمانبەرێن
هەرێمێ.
لسەر ڤێ پرسێ ژی دوهی سروە عەبدولواحید سەرۆکا فراکسیۆنا
نەوەی نوێ ل پەرلەمانێ عێراقێ بۆ دیجیتال میدیایا ئێن ئاڕ تی راگەهاند، دگەل پەرلەمانێ
عێراقێ بەحسا وێیەکێ کریە کو پێدڤیە فەرمانبەرێن هەرێمێ مووچەیێ خۆ د دەمێ خۆدا وەربگرن
چونکی ئەڤە مافێ مووچەخۆرێن هەرێمێ یە و گوت ژی، "د کڤانێ یاسای و دەستوور دا
ڤێ ئاریشەیێ دێ چارەسەرکەین".