نەمسا ٢٤ پەنابەرێ عێڕاقی ڤەگەڕاندنە بەغدا

PM:08:27:03/10/2023

336 جار خوێندراوەتەوە

+ -

لدویف زانیاریێن دیجیتال میدیایا ئێن ئاڕ تی، پشتی ڤەکرنا بالیۆزخانەیا نەمسا ل بەغدا، ئەڤرۆ وی ولاتی بڕیاردا ٢٤ پەنابەران بۆ بەغدا ڤەگەڕینیت.

لدویف زانیاریێن دیجیتال میدیایا ئێن ئاڕ تی، پشتی ڤەکرنا بالیۆزخانەیا نەمسا ل بەغدا، ئەڤرۆ سێشەمبیێ نەمسا ٢٤ پەنابەرێن عێراقی بۆ بەغدا ڤەگەراندن و بەشەکا وان پەنابەران زێدەتری ١٠ سالن بوون ل وی ولاتی دژیان.

هەر لدویف زانیاریان، ل بالەفڕخانەیا نەمسا بەشەکا رێکخراوان و خەلکی دژی ڤەگەڕاندنا وان پەنابەران خۆنیشاندان ئەنجامدان.

ئەڤە د دەمەکی دایە، پتریا ولاتان رێکارێن خۆ بۆ رێگریکرنێ ژ کۆچا نەیاسایی توندکرینە، د چەند رۆژین دەربازبووی ژی دا ٢٦ وەلاتیێن عێراقی ل سوید کۆ مافێ پەنابەریێ وەرنەگرتبوون بۆ عێراقێ هاتنە ڤەگەڕاندن، ئەڤەژی ئێکەم جار بوو پشتی ١١ سالان سوید پەنابەرێن عێڕاقێ ڤەگەرینیت.