سەرۆکا فراکسیۆنا نەوەی نوێ ل پەرلەمانێ عێراقێ بۆ ئێن ئاڕ تی ڕاگەهاند، ب
ئاوایەکێ دەستوری و یاسای ئاریشەیێن مووچەی ل بەغدا دێ چارەسەرکەین و ژ ئەڤرۆ پێدا
نابیت مووچەیێ مووچەخۆرێن هەرێمێ گیرۆ ببیت.
ئەڤرۆ دووشەمبیێ، سروە عەبدولواحید سەرۆکا فراکسیۆنا
نەوەی نوێ ل پەرلەمانێ عێراقێ بۆ دیجیتال میدیایا ئێن ئاڕ تی راگەهاند، دگەل
پەرلەمانێ عێراقێ بەحسا وێیەکێ کریە کو پێدڤیە فەرمانبەرێن هەرێمێ مووچەیێ خۆ د دەمێ
خۆدا وەربگرن چونکی ئەڤە مافێ مووچەخۆرێن هەرێمێ یە و گوت ژی، "د کڤانێ یاسای
و دەستوور دا ڤێ ئاریشەیێ دێ چارەسەرکەین".
ئاماژە ب وێیەکێ کر، هەر چ ببیت و هەر چەوابیت دڤێت فەرمانبەر و مووچەخۆرێن
هەرێمێ شایستەیێن دارایی د دەمێ خۆدا وەربگرن.
ئەو یەکژی بەرچاڤکر، پرۆژەیێ نەوەی نوێ خۆ د دروستکرنا کارتا بەنکی دا
دبینیت بۆ هەمی مووچەخۆرێن هەرێمێ و دڤێت د دەمێ خۆ دا و هەمی مەهەکێ راستەوخۆ
مووچەیێ وان بچیتە سەر هژمار بەنکیا وان.
بەحسا وێیەکێ ژیکر، پێدڤیە ئەڤ پرۆژەیێ نەوەی نوێ بلەز بهێتە جێبەجێکرن
نابیت چاڤەرێ بین هەیا چەند سالێن دی ژی ئاریشەیێن مووچەی وەکی خۆ بمینن.
ئەڤە ژی د دەمەکێدایە، ئەڤرۆ ڤەلڤینا نەوەی نوێ
ڕاگەهاند، دگەل چەندین فراکسیۆنێن دی ل پەرلەمانێ عێراقێ نڤیسارەک ئاراستەی
حکومەتا ناڤەندی کرن کو مووچەیێ فەرمانبەران تێکەلی ئاریشەیێن سیاسی نەهێنەکرن و د
دەمێ خۆ دا بهنێرن.