PM:03:46:30/09/2023
320 جار خوێندراوەتەوە
+
-
پارێزگارێ هەولێرێ ڕاگەهاند، لدیڤ پێشبینیێن سەقاناسیێ
ل زڤستانا ئەڤسالە دا رێژەیا بارانبارینێ دێ زێدەبیت. دبێژیت ژی، " مە بەرهەڤی بۆ رێگریکرنا دروستبوونا لەهیان دەسپێکرینە".
ئەڤرۆ شەمبیێ، ئومێد خۆشناو پارێزگاری هەولێرێ د
کۆنفرانسەکا رۆژنامەفانیدا ڕاگەهاند، ل زستانا ئەڤسالەدا رێژەیا باران بارینێ دێ
زێدەبیت و چەند رێکارێن پێدڤی بۆ رێگریکرن و کێمکرنا مەترسیان لسەر دروستبوونا
لەهیان گرتینەبەر.
ئاماژە ب وێیەکێ ژیکر، هەیاما مەهەکێ یە هەوەک ب
کۆژمێ ٤١٠ ملیۆن دیناران لسەر بوودجەیێ رێڤەبەریا ئاڤدێریا هەولێرێ بۆ پاقژکرنا ٥٥
کیلۆمەتران ژ رێکێن سروشتی کو ب سەدەمێ کێمیا خزمەتگوزاریان مەترسیا دروستبوونا
لەهیان لسەرە دەسپێکریە.
ئەڤە د دەمەکێدایە، د هەیاما چەند سالێن دەربازبووی
دا بسەدەمێ باران بارینا زستانێ لەهی ل پتریا گەرەکێن باژێرێ هەولێرێ دروستدبوون و
زیان بەر مالێن وەلاتیان گەهشتن و مەترسی لسەر ژیان وان هەبوو.