PM:06:28:23/09/2023
4592 جار خوێندراوەتەوە
+
-
ل دەما داخستنا بازارێن دراڤێن هەرێمێ، بهایێ
١٠٠ دۆلاران ب ١٥٤هزار و ٢٥٠ دیناران بازار پێ دهێتەکرن، هەڤبەر ب دەما ڤەکرنا
بازاران بهایێ وی ٩٠ دیناران داکەت.
ئەڤرۆ شەمبیێ، ل دەما ڤەکرنا بازارێن دراڤان ل
هەرێمێ، بهایێ ١٠٠ دۆلاران ب ١٥٥هزار و ١٠٠ دیناران بازار پێ هاتەکرن.
کامەران قادر شارەزایێ ئابوری ڕاگەهاند، سەدەمێ
بلندبوونا بهایێ دۆلاری زوریا ئێخستنا دیناریە د بازارێن دراڤان دا ژلایێ حکومەتا
عێراقێ و کێمیا ئێخستنا دۆلاری د بازارێن دراڤان دا ژلایێ بەنکا ناڤەندی، نها
بازرگان هایدارکرینە بتنێ ب دۆلارێ بەنکا ناڤەندی دشێن کەلوپەلان هاوردە بکەن و وێ
بریارە ژی دێ کاریگەری لسەر داکەتنا بهایێ دۆلاری هەبیت.
ل ٢١ێ تەمووزێ، سەرۆک وەزیرێن عێراقێ ژپێخەمەت
بلندکرنا بهایێ دیناری، سەرەدانا بەنکا ناڤەندی کر و داخاز کر پارە ژ وان بەنک و کۆمپانیان
بهێتە قوتکرن کو دۆلاری ب گرانی دفرۆشن و پشترا لژنەیا داراییا پەرلەمانێ عێراقێ ژی
دگەل بەنکا ناڤەندی جڤیان و پشترا بەنکا ناڤەندی ڕاگەهاند، "مە دۆلار ب بهایێ
فەرمی دایە کەرتێن تایبەت لێ ژبەر خراب بکارئینانێ د نهادا بهایێ وی ب ڤی ئاوای
بلندبویە". گۆت ژی، "ل ڤان نێزیکان بهایێ دۆلاری دێ ڤەگەریتە ڤە بۆ بهایێ
فەرمی و بهایێ ١٠٠ دۆلاران دێ بیتە ١٣٠ هزار دینار".