PM:01:40:23/09/2023
652 جار خوێندراوەتەوە
+
-
هاریکارێ وەزیرێ
پەترۆلا عێراقێ ڕاگەهاند، گرێبەستا گرنگی پێدانا زەڤیا غازا عەکاز دایە دەست کۆمپانیەکا
ئۆکرانی و مەرەما وان زێدەکرنا بەرهەمێ وێ زەڤیێ یە بۆ ٤٠٠ پێ یێن سێجا.
رۆژا شەمبی،
باسم خوزەیر هاریکارێ وەزیرێ پەترۆلا عێراقێ بۆ رۆژنامەیا سەباح راگەهاند، وەزارەتا
پەترۆلێ گرنگیپێدانا زەڤیا غازا عەکاز دایە کۆمپانیەکا ئۆکرانی هەیاکو بڕێ بەرهەمئینانا
غازێ د وێ زەڤیێ دا زێدە بکەت.
ئاماژە ب وێ ژی کر،
جڤاتا وەزیران ل ٢٠ێ ئادارا ٢٠٢٣ـێ ڕەزامەندی نیشاندایە بۆ داوی ئینان ب گرێبەستا
کۆمپانیا کۆکازیا کۆریا باشوور هەیاکو وێ گرێبەستێ بدەتە کۆمپانیەکا ئۆکرانی.
دوهی ژی، محەمەد
شیاع سودانی سەرۆکوەزیرێن عێراقێ بەحسا وێ کر، ولاتێ وان دڤێت گرنگیێ ب بەرهەمئینانا
غازێ بدەت ب ئاوایەکی پێتڤی ب هاوردەکرنێ نەبیت ل ولاتێن دەرڤە.
ئەڤە د
دەمەکێدایە، پشتی چەند سالان ژ کارخستنا زەڤیا عەکاز، کۆمپانیا کۆکازا کۆریا باشور
ل ئێکێ حوزەیرانا سالا ٢٠١١، ئێکەم گرێبەست بۆ گرنگی پێدانا وێ زەڤیێ ئیمزاکر بۆ
چالاککرنا پرۆسەیا بەرهەمئینانا غازێ ل وێ زەڤیێ.