AM:10:46:23/09/2023
312 جار خوێندراوەتەوە
+
-
سەرۆکوەزیرێن عێراقێ ڕاگەهاند، بەردەوام دبن ژ هنارتنا پارەی بۆ هەرێمێ
و پرسا پاقژکرنێ دێ ل داویا سالێ بیت. دبێژیت ژی،
"چ قەیران دناڤبەرا هەرێم و بەغدا دا نینە".
محەمەد شیاع سودانى سەرۆکوەزیرێن عێراقێ راگەهاند، چ قەیران د
ناڤبەرا هەرێم و بەغدا دا نینە و ب تنێ چەند ئاریشەیێن یاسایی هەبووینە د
گوتوبێژێن واندا ئەو ژی هاتینە چارەسەرکرن.
گوت ژی، "هەرێما کوردستانێ بەشەکێ کارایێ پرۆسەیا سیاسیا عێراقێ
یە."
ئاخفتنێن سودانى پشتی حەفتیەکێ دهێن ژ بڕیارەکا حکومەتا عێراقێ بۆ پێدانا
٧٠٠ ملیار دینارێن مەهانە ب هەرێمێ، داکو مووچەیێ فەرمانبەرێن وان پێ بدەن.
رێکارێن هنارتنا کۆژمێ ٧٠٠ ملیار دیناران بۆ هەرێمێ ژ ئالیێ بەغداڤە تەمام بونە و ب ئەگەرەکێ بهێز دگەل دەستپێکرنا دەوامێ
وی پارەی ب دوو جەردان دێ ئێخنە سەر حسابا بەنکىا وەزارەتا داراییا هەرێمێ، بەریا
نها ژی حکومەتا ڕێڤەبرنا کاران راگەهاندبوو، دگەل گەهشتنا پارەی دێ دەست ب دابەشکرنا
مووچەیێ مەها حەفت هێتەکرن.