PM:07:14:22/09/2023
1792 جار خوێندراوەتەوە
+
-
وەزارەتا بازرگانیا هەرێمێ ڕاگەهاند، ١٧٨ ملیار و ٢٤
ملیۆن و ١٩٦ هزار دینار ژ شایستەیێن دارایی یێن جوتیاران ماینە بگەهنە هەرێمێ و د
دەمەکێ نێزیک دا دێ هێنە هنارتن و دێ هێنە دابەشکرن بسەر جوتیاران دا.
رۆژا ئەینیێ، وەزارەتا بازرگانیا هەرێمێ د
ڕاگەهاندنەکێ دا ئاماژە ب وێیەکێ کر، هەیا نها د کۆیا ٤١١ ملیار و ٢٤ ملیۆن و ١٩٦
هزار دیناران ژ پارەیێ گەنمێ جوتیاران بۆ ئەڤسالە بتنێ کۆژمێ ٢٣٣ ملیار دیناران
گەهشتیە هەرێمێ و لدیڤ رۆژا وەرگرتنا گەنمێ وان بسەر جوتیاران دا دێ هێتە
دابەشکرن.
ئاماژە ب وێیەکێ ژیکر، د دەمەکێ نێزیک دا
کۆژمێ وی شایستەیێ دارایێ جوتیاران یێ مای ب کۆژمێ ١٧٨ ملیار و ٢٤ ملیۆن و ١٩٦
هزار دیناران دێ گەهیتە هەرێمێ و دێ ئخیتە سەر هژمارا بەنکی یا وەزارەتا بازرگانی
و پیشەسازی و پشترا دێ بسەر جوتیاران هێتە دابەشکرن.