PM:09:34:03/06/2023
1924 جار خوێندراوەتەوە
+
-
فڕاکسیۆنا نەوەی نوێ ل خولا پێنجێ یا
پەرلەمانێ کوردستانێ ڕاگەهاند، ژ بەرواری ٦ی ١١ی ٢٠٢٢ێ وەرە بایکۆتا پەرلەمانێ
کوردستانێ کریە و مووچە و دەرمالەیێن پەرلەمانی ڕەتکرینە و هەژمارێن بەنکی
دائێخستینە و چ کۆژمەکێ پارەی وەرنەگرتینە و نەچووینە سەر هەژمارا وان یا بەنکی.
فڕاکسیۆنا نەوەی نوێ ل خولا پێنجێ یا پەرلەمانێ
کوردستانێ ڕاگەهاندنەک بۆ ڕایا گشتی بەلاڤکر و تێدا هاتیە، فڕاکسیۆنا نەوەی نوێ ژ
٦ی ١١ی ٢٠٢٢ێ وەرە بایکۆتا پەرلەمانێ کوردستانێ کرینە و مووچە و دەرمالەیێن
پەرلەمانی ڕەتکرینە و هەژمارێن بەنکی دائێخستینە و چ کۆژمەکێ پارەی وەرنەگرتینە و
نەچووینە سەر هەژمارا وان یا بەنکی.
ئاماژە ب وێیەکێ ژیکر، "هەتا ئەو
پەرلەمانتارێن مە یێن ترۆمبێل ب قست ڕاکێشاینە ئەوان بخۆ قەرێن ترۆمبێلێن خۆ داینە
و پەرلەمانی ئێک دینار ژی ب وان نەدایە".
د بەشەکێ دی یێ ڕاگەهاندنێ دا، فڕاکسیۆنا
نەوەی نوێ دبێژیت، "ل ڤێرەژی داخازێ ژ سەرۆکایەتی و هەمی پەرلەمانتارێن خۆلا
پێنجێ دکەین کو ئەو پارەیە پشتی تەمام بوونا ژیێ پەرلەمانی وەرگرتینە ڤەگەڕیننە
خەزینەیا گشتی، ژبەرکو ئەو مولکێ گشتی یە و ل دیڤ بڕیارا دادگەها فیدڕالب ئەو
بەروارە پەرلەمان هاتیە هەلوەشاندن و چ پەرلەمانتارەکێ مافێ وێیەکێ نینە مووچەیێ پەرلەمانتاریێ
وەربگریت".