PM:08:30:03/06/2023
2976 جار خوێندراوەتەوە
+
-
نوینەرا نەتەوەیێن هەڤگرتی بۆ ئاشتیێ
ڕاگەهاند، شەش ژنێن دی یێن ئێزدی ژ دەستێ داعش رزگارکرن و بۆ کەسوکارێن وان
ڤەدگەڕینن.
نادیە موراد، نوینەرا نەتەوەیێن هەڤگرتی بۆ ئاشتیێ
ڕاگەهاندنەک بەلاڤکر و تێدا هاتیە، پشتی چەندین حەفتیان ژ بزاڤان شەش ژنێن دی یێن
ئێزدی کو ژ ئالیێ چەکدارێن داعش ڤە هاتبوون ڕەڤاندن، رزگارکرن.
ئاماژە ب وێیەکێ ژیکر، ل سالا ٢٠١٤ێ ئەو ژنە هێشتا
زارۆکبوون و د تەمەنێ سنێلەیی دا بوون کو ژ ئالیێ چەکدارێن داعشڤە هاتبوون ڕەڤاندن
و پشتڕە ژ عێراقێ بەرەڤ سوریا بربوون.
بەحسا وێیەکێ ژیکر، ئەڤرۆ شەمبیێ هاتن
رزگارکرن و ڤەگەڕاندن بۆ هەولێرێ ژبوی وێیەکێ ب خێزان و کەسوکارێن وان شاد ببن و
هەمی پشتەڤانیا دەرونی ژی ل وان هاتیە کرن.
بەحسا وێیەکێ ژیکر، ئەرکێ رزگارکرنا وان ب
هەماهەنگی دگەل نڤیسینگەها تایبەت ب پرسا رزگارکرنا ئێزدیان ژ دەستێ چەکدارێن داعش
هاتیە جێبەجێکرن و نڤیسینگەھ ژ ئالیێ سەرۆکاتیا هەرێمێ ڤە هاتیە دامەزراندن.