PM:10:57:31/05/2023
344 جار خوێندراوەتەوە
+
-
بەنکا ناڤەندیا عێراقێ ڕاگەهاند، دینار دراڤێ
نشتیمانیە و پێتڤی ناکەت بازار ب دۆلاری بهێتە کرن.
ئەڤرۆ چارشەمبی، محەمەد یونس هاریکارێ ڕێڤەبەریا
گشتیا وبەرئینانێ ل بەنکا ناڤەندیا عێراقێ راگەهاند، سێ پاکێجێن نوی ب مەراما سەقامگیر
بوونا بهایێ دۆلاری و بازارکرن ب بهایێ فەرمیێ دۆلاری بەرچاڤکرن.
ئاماژە ب وێ ژی کر، فرۆتنا نەختینەییا دۆلاری ل
پلاتفۆڕما ئەلیکترۆنی دەست پێکریە و بەحسا وێ ژی کر، نها بەنکا ناڤەندیا عێراقێ
کار ب وان رێکاران دکەت کو حەوالەیا دراڤی ب ساناهی دکەت.
گۆتژی، سەدەمێ بلندبوونا بهایێ دۆلاری ئەو
بازرگانێن بچیکن کو نەشێن داخلی ناڤا پلاتفۆڕما کڕینا دۆلاری ببن و ئەو کەسە خواستێ
لسەر دۆلاری بلند دکەن.
ئەویەک ژی بەرچاڤکر، هەمی ئالی پشتەڤانیا حکومەتێ
دکەن، بۆ رێگری کرنێ ژ کارێن نەیاسایی کو ب دۆلاری دهێنە ئەنجامدان و دڤێت ژی بازارکرنێن
ناڤخۆیی بکەنە دینار، ژبەرکو دراڤێ نشتیمانییە.
ئەڤە د دەمەکێدایە، ژ دەستپێکا ئەڤسالەڤە بەنکا
ناڤەندیا عێراقێ چەندین پاکێج بۆ سەقامگیر کرنا بهایێ دۆلاری دەرێخستن و چەندین رێکار
گرتنە بەر هەیاکو دۆلار بۆ بهایێ فەرمیێ بەنکا ناڤەندیا عێراقێ داکەت، لێ نها بەنکا
ناڤەندیا عێراقێ نەشیایە ژ بزاڤێن خۆ سەرکەفتی بیت و جوداهیا بهایێ دۆلاری ژ بازارێن
دراڤی هەڤتای بەنکا ناڤەندى بکەت کو ١٠٠ دۆلار لهەمبەر ١٣٢ هزار دینارانە.