PM:12:54:29/05/2023
1968 جار خوێندراوەتەوە
+
-
لدیڤ زانیارییان شەڤا دەربازبووی، ئالیێن کڤانا
هەڤبەندیێ یا شیعە جڤیاینە و یەکێتی و پارتی ژی پشکداربوون د وێ جڤینێ دا و بڕیار
هاتیەدان گۆهرین د وان ماددەیێن گرێداینە ب هەرێما کوردستانێ بهێنە کرن و ئەو ١٠٪ێ
یا کو بڕیاربوو وەکی قەرەبوویا پاشەکەفتێ مووچەی، ژ لایێ نەوەی نوێ دەنگێن پێتڤی
بۆ هاتبوونە کۆمکرن و د بودجەی دا جهـ بۆ هاتبوویە ڤەکرن، جارەکا دی هاتە لادان.
بڕیارە ئەڤرۆ
جارەکا دی ئالیێن پێکئینانا حکومەتا عێڕاقێ بجڤن، کۆمەکا بریاراێن نووی لسەر
بودجەی بدەن.
رێباز حەملان هاریکارێ سەرۆکێ حکومەتا دەم
بسەرڤەچوویا هەرێمێ، بۆ میدیایێن پارتی ڕاگەهاند، ئەڤشەڤە ل مالا فوئاد حسێن،
وەزیرێ دەرڤەیێ عێراقێ هەمی لایەبن ب یەکێتی ژی ڤە بجڤن هەیا بەحسا بودجەی
بهێتەکرن.
ئەویەک ژی بەرچاڤکر، لهەڤتێگەهشتنەکا باش د
ناڤبەرا یەکێتی و پارتی هەیە و بابەتێ پاشەکەفت موزایدەیە و هندەک ئالیان دڤێت
کەلێنێ ب ئێخنە ناڤ هەرێما کوردستانێ.
حەفتیا دەربازبووی لسەر پێشنیارا فراکسیۆنا
نەوەی نوێ ل پەرلەمانێ عێراقێ، هژمارەکا برگەهان د ماددەیێن ١٣ و ١٤ێ ناڤ
پرۆژەیاسایا بودجەیێ عێراقێ گۆهرین تێدا هاتنە کرن، کو تایبەتە ب پشکا بودجەیێ
هەرێما کوردستانێ، لێ هەر ئێک ژ پارتی و یەکێتی دژی وێ راقوەستیان.