PM:07:17:26/03/2023
1816 جار خوێندراوەتەوە
+
-
میدیایەکا عێراقی ب ناڤێ "العالم
الجدید" ڕاگەهاند، ئەمریکا هایداری دایە مەسعود بارزانی سەرۆکێ پارتی
دیموکراتی کوردستان، لسەر بڕیارا دادگەها پاریس رازی ببیت.
میدیایێ ئاماژە ب وێیەکێ ژیکر، ئەمریکا ب مەسعود
بارزانی ڕاگەهاندیە، بزاڤان نەکەت ئارامیێ د بازارێن وزەیا جیهانی دا بکەت.
ژێدەرەکێ سیاسی ب رۆژنامەیا "العالم الجدید" ڕاگەهاندیە، نامەیەک ژ ئەمریکا
ئاڕاستەی مەسعود بارزانی سەرۆکێ پارتی هاتیەکرن و تێدا داخاز ژ سەرۆکێ وێ حزبێ
کریە ڕەوشێ دگەل بەغدا هێور بکەن و وێ ئالۆزیێ ڕەتبکەن کو دبنە سەدەمێ تێکچوونا
ئارامیا گشتی یا عێراقێ.
ژێدەرێ سیاسی بەحسا وێیەکێ ژیکریە، ئەڤ
گەشەسەندنا عێراقێ و برنا دۆسەیا دادگەها پاریس کارتێکرنەکا بهێز پێشکێشی کڤانێ
هەماهەنگیێ دکەت هەتاکو مەرجان بسەر هەرێمێ دا بسەپینیت.
ئەو ژی دیاریکریە، هەر ئەو روویدانە ل دەما بەرهەڤکرنا
بودجەیێ ئەڤ سالەیێ عێراقێ و تێدا هەرێم رازیبوویە ب دانانا داهاتێ پەتڕۆلێ ل ژێر
سەرپەرشتیا کۆمپانیا سۆمۆ یا تایبەت ب بازارکرنا پەتڕۆلا عێراقێ.
ئەو ژی د دەمەکێ دایە، ل رۆژا دەربازبووی وەزارەتا پەتڕۆلا عێراقێ
ڕاگەهاند، دۆسەیا هەناردەکرنا پەتڕۆلا هەرێمێ بۆ تورکیا، ژ ئالیێ دادگەها
نیڤدەولەتی ڤە ل پاریسا پایتەختێ فەرەنسا ئێکلایکریە و کۆمارا عێراقێ بریە و
دادگەها پاریس ب فەرمی ڕاگەهاند، تورکیا پێشێلکاری د لەهەڤهاتنا هێلا بۆڕیێن پەتڕۆلا
عێراقێ دا کریە.
پشتڕە نڤیسینگەها پەتڕۆلا عێراقێ نڤیسارەک
ئاڕاستەی بەندەرێ جەیهانی کریە بۆ ڕاگرتنا هەناردەیا پەتڕۆلا هەرێمێ و تورکیا ژی ب
بڕیارێن دادگەها پاریس پێگربوو.
دوێ دەربارێ دا حکومەتا دەم بسەرڤەچوویا
هەرێمێ ڕاگەهاند، بڕیارێن دادگەها فەڕەنسا د بەرژەوەندیا حکومەتا عێراقێ دژی تورکیا،
رێگری نابیت لسەر پەیوەندیێن دناڤبەرا هەرێمێ دگەل حکومەتا بەغدا دا. گوت ژی،
"سەرەدانا بەغدا دێ کەینەڤە بۆ گۆتۆبێژو چارەسەرکرنا بابەتێ پەیوەندیدار ب وێ
پرسێ ڤە".