سەرۆکێ هەڤپەیمانیا دەولەتا یاسا ڕاگەهاند، حکومەتا عێراقێ دێ بەردەوام بیت ژ هنارتنا پارەیێ مووچەیێ مووچەخۆرێن هەرێمێ، دبێژیت ژی، "لدیف دەستوری ئاریشەیا مووچەی دێ چارەسەرکەن".
دژی نەبوونا خزمەتگوزاریان، خۆنیشاندانا وەلاتیان دەست پێکر و وەلاتیێن وی باژێری دبێژن، "باژێرێ مە ژ هەمی خزمەتگوزاریان هاتیە پشت گوهـ هاڤێتن".
ژ ترسا تۆلەیا خەلکی، پارتی و یەکێتی ژ بزاڤێن خۆ بەردەوامن بۆ پاشخستنا هەرلبژارتنا گەڕا شەشەما پەرلەمانێ کوردستانێ و ڕێکەفتینە کو پێکڤە کار بکەن بۆ پاشخستنا هەلبژارتنێ.
سەقاناسیا هەرێمێ پێشبینیێن سەقایێ ئەڤرۆ و سوبەهی ئەشکرا کر و ڕاگەهاند، ژ سوبەهی ڤە باران بارین دێ دەستپێکەت.
لدیف زانیاریێن ئێن ئاڕ تی، شەڤا دەربازبووی د جڤینا ئالیێن سوننەیان دا بڕیار لسەر دیارکرنا سەرۆکەکێ نووی بۆ پەرلەمانی هاتیە دان.
هویربینی بۆ لیستا مووچەیێ فەرمانبەرێن هەرێمێ ل وەزارەتا داراییا عێراقێ دەست پێکر و ژێدەرەکێ هایدار ژی بۆ ئێن ئاڕ تی ڕاگەهاند، د دوو رۆژێن بهێت دا هویربینیا تەمام دبیت و پارەیێ مووچەی دێ هنێرن.
پەرلەمانێ عێراقێ کارنامەیا رووینشتنا ئەڤرۆ یا پەرلەمانی بەلاڤکر و ڕاگەهاند، دەنگدان لسەر چار پرۆژە یاسایان دگەل خاندنا ئێکێ بۆ پرۆژە یاسایەکێ دێ هێتە کرن.
ئەندامەکێ لژنەیا ئابووری و پیشەسازی و بازرگانی ل پەرلەمانێ عێراقێ ڕاگەهاند، رەنگە سەرەدانا سەرۆک وەزیرێن عێڕاقێ بۆ سعودیا، ببیتە سەدەمێ وێ یەکێ کو سعودیا ژی هەڤئاوایێ قەتەر و ئیمارات پشکداریێ د پرۆژەیێ رێکا گەشەپێدانێ دا بکەت.
سەرۆکێ لژنەیا دارایی ل پەرلەمانێ عێراقێ ڕاگەهاند، دهێتە چاڤەرێکرن حەفتیا بهێت خشتەیێ بودجەیێ سالا ٢٠٢٤ـێ رەوانەی لژنەیا داراییا پەرلەمانێ عێراقێ بهێتەکرن.
پەیڤدارێ وەزارەتا ڤەگوهاستن و گەهاندنا هەرێمێ بۆ دیجیتال میدیایا ئێن ئاڕ تی ڕاگەهاند، پێلەکا باران بارینێ دەڤەرێن هەرێمێ ڤەدگریت و ب وێ سەدەمێ ژی پلەیێن گەرمێ ب ئاوایەکێ بەرچاڤ دێ هێنە خار.
پشتی کو دوهی ل ناحیا ئەترویش سنێلەیەک د ئاڤێ دا خەندقی ئەڤرۆ پۆلیسێن دهۆکێ ڕاگەهاند، تەرمێ وی هاتە دیتن.
پەرلەمانتارەکێ پەرلەمانێ عێراقێ بۆ ئێن ئاڕ تی ڕاگەهاند، دناڤبەرا عێراق و هەرێما کوردستانێ رێکەفتن دەربارەی ب بەنکی کرنا مووچەیێ مووچەخۆرێن هەرێمێ هاتیە کرن و د دەمەکێ نێزیک دا دێ چیتە بیاڤێ جێبەجێکرنێ. دبێژیت ژی، "پشت بەستن ب بەنکێن عێراقێ بۆ جێبەجێکرنا بڕیارا ب بەنکی کرنا مووچەی دەمەکێ کێمتر پێدڤیە و گرنگترە بۆ مووچەخۆران".
وەزارەتا کارەبا حکومەتا رێڤەبرنا کارێن هەرێمێ ڕاگەهاند، قەرەبوویا بەشەکا زۆرا زیانێن کێمبوونا بەرهەمئینانا کارەبێ هاتیە کرن. دبێژیت ژی، " ئاستێ بەرهەمئینانا کارەبێ ل زەڤیا کۆرمۆر دووبارە گەهشتە هزار و ٦٠٠ مێگاواتان".
پەیڤدارێ وەزارەتا دەرڤە یا ئەمریکا ڕاگەهاند، پێدڤیە حکومەتا رێڤەبرنا کاران و عێراق ب هەڤبەندی لدویف ئەنجامدەرێن هێرشا سەر زەڤیا غازا کۆرمۆر دا بچن. دبێژیت ژی، "ژپێخەمەت سەروەریا ئاخ و سەقامگیریا ئاسایشا دەڤەرێ دگەل هەرێما کوردستانێ و عێراقێ زێدەتر کارێن خۆ بەرەف پێش دبەین".
لدیڤ رۆژژمێریا فەرمی یا حکومەتا رێڤەبرنا کاران رۆژا چارشەمبیا ڤێ حەفتیێ بێهنڤەدانە.
ئێڤاریا دوهی ئەینی، دەمژمێر ٦:٥٠ خولەک بۆ جارا هەشتێ زەڤیێن غازا کۆرمۆر هاتنە ب ئارمانج گرتن و دوو دەنگێن بهێز دناڤ زەڤیێن غازێ هاتنە بهیستن، ژبەر هندێ زەنگا ئاگەهدارکرنێ هاتە لێدان.
وەزارەتا چاندن و ژێدەرێن ئاڤا هەرێمێ راگەهاند، دهێتە پێشبینیکرن حەفتیا بهێت پێلەکا بهێز یا باران بارینێ دەڤرێن هەرێمێ ڤەگریت و ب ئاوایەکێ بەرچاڤ ژێدەرێن ئاڤێ زێدە بکەن. دبیژیت ژی، "داخازێ ژ وەلاتیان دکەین خۆ ژ ژێدەرێن ئاڤێ دویربێخن".
شانەیا راگەهاندنا ئەولەهیا عێراقێ راگەهاند، ب فەرمانا فەرماندەیێ گشتی یێن هێزێن چەکدارێن عێراقێ، لژنەیەک هاتە پێکئینان بۆ ڤەکۆلینێ لسەر هێرشێن زەڤیێن غازا کۆرمۆر.
پەیڤدارێ حکومەتا رێڤەبرنا کاران راگەهاند، داخازا هەڤبەندی و هەڤکاریێ بلەز ژ دەزگەهێن پەیوەندیدارێن حکومەتا عێراقێ دکەین تا ئەنجام دەرێن هێرشا سەر زەڤیێن کۆرمۆر بهێنە ئەشکراکرن و رووبرووی یاسایێ بهێنە کرن.
رێڤەبەرێ کۆمپانیا پترۆئۆیل بۆ ئێن ئاڕ تی، د هێڕشا سەر زەڤیێن غازا کۆرمۆر چار کەسان ژیانا خۆ ژ دەستداینە و سێ کەسێن دی برینداربووینە.