بڕیارا دڤێ مەهێ دا وەزیرێ دەرڤەیێ ئەمریکا سەرەدانا سعودییە بکەت و دگەل ئالیێن هەڤبەشێن وێ دەڤەرێ کۆم بیت و گۆتوبێژان دەربارەی بزاڤان بۆ ڕاگەهاندنا ئاگربەستێ ل کەرتێ غەززە و ئازادکرنا بارمتەیان بکەن.
پشتی هاتنە خارا ئاستێ یەدەکا پەترۆلێ بۆ نزمترین ئاستێ هەست ساکێن دەربازبووی، د نها دا لدیف داتایێن بازارێن جیهانێ ئێک بەرمیلێ پەترۆلا خاڤا برێنت ب ٨٣ دۆلار و ٤٦ سەنتان بازار پێ دهێتە کرن و هەڤبەری ب رۆژا دەربازبووی بهایێ وێ ٦١ سەنتان بلندبوویە.
پەیڤدارێ وەزارەتا پەترۆلا عێراقێ ڕاگەهاند، لدیف راپۆرتا فیدرالیا ئەمریکا دەربارەی قەبارەیا فرۆتن و بەرهەمئینانا پەترۆلێ ولاتێن ئۆپیک رۆلەکێ کاریگەر هەبوویە د هەڤسەنگکرنا بهایێ پەترۆلێ و کێمکرنا هەلئاوسانێ.
باژێرڤانیا وان ڕاگەهاند، ژبەر نەبنەجهیا سەقای رێکا هاتن و چوونا 446 دەڤەرێن ئاکنجیبوونێ ل پارێزگەهێن وان و هەکاری ل باکوورێ کوردستانێ هاتینە گرتن.
پەیڤدارێ پنتاگۆن ڕاگەهاند، وەزیرێ بەڕەڤانیا ئەمریکا ژبەرکو راستی نەخۆشیا پەنجەشێرا پرۆستاتان بوویە د نها دا ل پشکا چاڤدێریا دژوارا نەخۆشخانێ هاتیە وەرگرتن و ئەرکێن خۆ ب جێگرێ خۆ سپاردینە.
کارگێریا زانیاریێن ئەنەرژیا ئەمریکا ڕاگەهاند، د هەیاما حەفتیا دەربازبووی دا ئاستێ هاوردەکرنا پەترۆلێ بۆ ئەمریکا زێدەکریە، لێ چ پەترۆل ل عێراقێ نەهاتیە هاوردەکرن هەڤبەر ب حەفتیا بەری وێ کو رۆژانە ٢٠٥ هزار بەرمیل هاوردە دکرن، ب ڤێ ژی، دبیتە سێیەم جار ئاستێ هاوردەکرنا پەترۆلا عێراقێ بۆ ئەمریکا بهێتە خار بۆ سفر.
سەرۆکێ روسیا ڕاگەهاند، دشێین د هەیاما چەند حەفتیان دا دگەل ئۆکرانیا داویێ ب شەڕی بئینن ب وی مەرجێ ئەمریکا ژ پێدانا چەکی ب ئۆکرانیا رابوەستیت.
هێزێن سوریا دیموکرات راگەهاند، بنگەهەکێ هێزێن وان ل دێرەزۆرێ ژ ئالیێ چەکدارێن رژێما سوریاڤە ب درۆنان هاتیە ب ئارمانج گرتن و د ئەنجامدا شەش شەرڤانان ژیانا خۆ ژ دەستدانە.
رێڤەبەرێ ئۆپراسیۆنێن یەکەیا هەڤبەشێن ئەمریکا ڕاگەهاند، بەرسڤدانێن ئەمریکا ژبەر نەبنەجهیا سەقای پاشکەفتن، ژبەرکو بالەفرێن وان پێدڤی ب سەقایەکێ بنەجهـ هەیە. دبێژیت ژی، "د سەقایەکێ بنەجهـ دا دشێن ئارمانجێن خۆ ب باشی بپێکن".
شەڤا دەربازبووی ژ ئەنجامێ بۆمبەبارانا چار بەلەفرێن نەنیاس بۆ سەر دەڤەرێن سنورێ دێرەزور شەش ئەندامێن گروپێن چەکدار ژیانا خۆ ژ دەستدان و چار ئەندامێن دی ژی برینداربوون و دهەمان دەمدا سێ دەڤەرێن عێراقێ ژی هاتنە بۆمبەبارانکرن و ب وێ سەدەمێ پێنج کەسان ژیانا خۆ ژ دەستدان و ١١ کەس ژی برینداربوون.
فەرماندەیێ ناڤەندا ئەمریکا ڕاگەهاند، ب رێکا بالەفڕێن شەڕی ڤە ٨٥ هێرش بۆ سەر گروپێن چەکدار د ئاخا سوریا و عێراقێ دا ئەنجامداینە. دبێژیت ژی، د وان هێرشان دا ١٢٥ مووشەک هاتینە بکارئینان".
روانگەها سوری بۆ مافێن مرۆڤی بەلاڤکر، ژ ئەنجامێ بۆمبەبارانکرنا دەڤەرێن مەیادین و بولکەمەمال ل سنورێ دێرەزور ل رۆژهەلاتا سوریا شەش کەسان ژیانا خۆ ژ دەستدان.
میدیایێن پاکستان بەلاڤکرن، سەرۆک وەزیرێن بەرێ یێ پاکستان دگەل جێگرێ سەرۆکێ پارتا ئینساف ب تۆهمەتا ئەشکراکرنا بەلگەنامەیێن نهێنیێن دەولەتێ ب ١٠ سالێن زیندانیکرنێ هاتینە سزادان.
ئارتێشا پاسدارێن ئیرانێ ڕاگەهاند، د هێرشا ئەڤرۆیا ئیسرائیل دا بۆ سەر دیمەشق یا پایتەختێ سوریا، چار شێورمەندێن وان یێن سەربازی ژیانا خۆ ژ دەستدانە. روانگەها سوریا بۆ مافێن مرۆڤی ژی دبێژیت، "د وێ هێرشێ دا بەرپرسێ هەوالگریا ئارتێشا پاسداران ژیانا خۆ ژ دەستدایە".
سهرۆكێ ئۆكرانیا داخاز ژ ئۆكرانیێن دهرڤەی ولاتی كر، یێن ژیێ وان گەهشتیە ژیێ خزمەتکرنا سەربازی ڤەگەرنە ولاتێ خۆ بۆ کو دهست ب جێبهجێكرنا خزمهتا سهربازی بكهن د ریزێن سوپایێ ئۆكرانیادا.
بەرێ سپێدەیا ئەڤرۆ بالەفرێن شەری یێن ئەمریکا و بەریتانیا ل ناڤ یەمەن هێرش کرنە سەر 60 بنگەهێن حوسیان و بۆمبەبارانکرن.
میدیایێن بەریتانیا بەلاڤکرن، دوو ئەفسەرێن پۆلیسان ل بەریتانیا زارۆکەکا دوو رۆژی یا کورد ژ خەنقینی رزگارکر.
پەیڤدارێ وەزارەتا بەرەڤانیا ئەمریکا راگەهاند، وان چ پلان نینە بۆ ڤەکێشانا هێزێن خۆ ل عێراقێ و گۆت، "هێزێن وان لسەر داخازا حکومەتا عێراقێ ماینە."
لدیڤ زانیاریێن نووچەگەهانێ ئێن ئاڕ تی، ژمارەیا ژیان ژ دەستدانێ ب سەدەمێ هێرشا درۆنی یا کرینە سەر بنگەهەکێ سەربازی ل نێزیک وەزارەتا ناڤخۆیا عێراقێ ل بەغدا بۆ سێ کەسان بلند بوویە. فەرماندەییا گشتیا هێزێن چەکدار ژی دبێژیت، مەترسی هەیە دووبارە بۆمبەباران بهێتەکرن.
پەیڤدارێ وەزارەتا دەرڤەیا ئەمریکا رگەهاند، ب هەمی ئاوایەکی وان دەنگۆیان رەتدکەین کو ئەمریکا یان ئیسرائیل ل پشت دوو تەقینێن ڕۆژا چار شەمبیا ئیرانێ بن، سەرۆکێ ئیرانێ ژی گەفێن تۆلڤەکرنێ دکەت.