PM:03:21:17/05/2024
3724 جار خوێندراوەتەوە
+
-
وەزارەتا
داراییا عێراقێ ڕاگەهاند، ب مەرەما چاکسازی کرنێ د سیستەمێ خانەنشینیێ دا و
پێشکەشکرنا خزمەتگوزاریا زێدەتر ب خانەنشێنان و وەلاتیێن عێراقێ، شاندەکێ تایبەت ب
کاروبارێن خانەنشینان دگەل نوینەراتیا بەنکا نیڤدەولەتی کۆم بوون. دبێژیت ژی،
"ئەڤ پێنگاڤە ب مەرەما گۆهرینانە د سیستەمێ خانەنشینیا عێراقێ دا".
ئەڤرۆ
ئەینیێ، وەزارەتا داراییا عێراقێ ڕاگەهاندنەک بەلاڤکر و تێدا هاتیە، شاندەکێ
تایبەتێ عێراقێ دەربارەی پرسا چاکسازیێ د سیستەمێ خانەنشینیێ دا ب سەرپەرشتیا ماهر
حەسەن بەرپرسێ دەستەیا خانەنشینێن عێراقێ رۆژا ١٥ـێ ئایارێ گەهشتینە تورکیا و ل
ئیستەنبول کۆم بووینە.
ئاماژە ب وێ
یەکێ ژی هاتیە کرن، بۆ هەیاما دوو رۆژان دگەل ئەندامێن بەنکا نیڤدەولەتی و
بەرپرسێن نەختینەیا بەنکا نیڤدەولەتی د گۆتوبێژان دانە و تەوەرێ وێ کۆمبوونێ ژی تایبەت
بوویە ب چاکسازیا خانەنشینان.
بەحسا وێ
یەکێ ژی هاتیە کرن، ئەڤ پێنگاڤە ب مەرەما خزمەتکرنا زێدەترا وەلاتیان و خانەنشینێن
عێراقێ یە د داهاتی دا کو بشێن ب باشترین ئاوا بژین و کارێن خۆ بڕێڤە ببەن.