PM:03:22:30/08/2025
1260 جار خوێندراوەتەوە
پۆلیسی دارستانی سلێمانی دەڵێت، ئاگرەکەی پێنجوێن تا ئێستاش بەردەوامە و کەسێک بە تۆمەتی خستنەوەی دەستگیرکراوە.
ئەمڕۆ شەممە ٣٠ـی ئابی ٢٠٢٥، پۆلیسی دارستان و ژینگەی سلێمانی بڵاویکردەوە، ئاگرەکەی سنووری پێنجوێن تا ئێستا بەردەوامە و کۆنترۆڵ نەکراوە سنووری چەند گوندێکی وەک ( هەڵاڵاوا، مەسۆ، کێلو، نزارە، دەرەگورگان )ـی گرتووەتەوە.
وتیشی،
بەهۆی سەختی ناوچەکە و مەترسی هەبوونی مین کاری تەواوی تیمەکانیان بۆ کۆنترۆڵکردنی
ئاگرەکە سەخت بووە و تا ئێستا دوو هاوڵاتی کە خۆبەخشانە خەریکی کوژاندنەوەی
ئاگرەکە بوون، بە سەختی برینداربوون و لە ژێر چارەسەردان.
دەشڵێت،
لە ئێستادا کەسێک بە تۆمەتی خستنەوەی ئاگرەکە دەستگیرکراوە و لێکۆڵینەوە و
بەدواداچوون بەردەوامە .
