سەردێڕ:

حکومەتی عێراق دامەزراندن دەکاتەوە و هەرێمیش دەگرێتەوە

PM:11:20:28/08/2025

2992 جار خوێندراوەتەوە

تەندروستی عێراق دەرگای دامەزراندنی بۆ بەشێک لە دەرچووانی کۆلێژە پزیشکییەکان کردەوە و دەڵێت، دەرگای داخستنی فۆرم بۆ دەرچووانی هەرێم ١ـی ئەلیلول دەبێت.


ئەمڕۆ پێنجشەممە ٢٨ـی ئابی ٢٠٢٥، وەزارەتی تەندروستیی عێراق لە بڵاوکراوەیەکدا کاراکردنی فۆرمی ئەلیکترۆنیی بۆ دامەزراندنی ناوەندیی راگەیاند و خشتەی کاتی پێشکێشکردنی بەگوێرەی پسپۆڕییەکان بڵاوکردەوە.

هاوکات ئاماژەی بەوەشکرد، فۆرمی دامەزراندنی تایبەت بە پزیشکان و دەرچووانی پەرستارانی هەرێمی کوردستان ١ـی ئەلول دادەخرێت.

بەگوێرەیراگەیێندراوێکی وەزارەتەکە، کاتی پێشکێشکردن بەم شێوەیە دەبێت:

- دەرچووانی کۆلێژەکانی پزیشکیی ددان: لە یەک تاوەکو ١٤ـی ئەیلولی ٢٠٢٥.

- دەرچووانی کۆلێژەکانی دەرمانسازی: لە ١٥ـی ئەیلول تاوەکو یەکی تشرینی یەکەمی ٢٠٢٥.

- دەرچووانی پەیمانگەکان بە هەموو پسپۆڕییەکانیانەوە: لە یەکی تشرینی یەکەم تاوەکو یەکی تشرینی دووەمی ٢٠٢٥.

- دەرچووانی کۆلێژە تەکنیکییەکان: لە یەکی تشرینی دووەم تاوەکو یەکی کانوونی یەکەمی ٢٠٢٥.

- دەرچووانی دەرەوەی عێراق و دەرچووانی کۆلێژ و پەیمانگەکانی هەرێمی کوردستان: لە یەکی تاوەکو ١٥ـی کانوونی یەکەمی ٢٠٢٥.

وەزارەتەکە روونیکردووەتەوە، فۆرمی تایبەت بە پزیشکانی دەرچووی دەرەوەی عێراق و هەرێمی کوردستان، هەروەها فۆرمی دەرچووانی پەرستاریی هەرێمی کوردستان، بەیانی رۆژی ١ـی ئەیلولی ٢٠٢٥، دادەخرێت.

باسی لەوەشکردووە، لە دامەزراندندا پێشینە دەدرێت بە دەرچوانی ساڵی خوێندنی ٢٠٢٢-٢٠٢٣، بە پشتبەستن بە بڕیاری ژمارە ٢٤٨٦٤ی کابینەی ٢٠٢٤، و هەر داواکارییەک دوای وادەی دیاریکراو وەربگیرێت پشتگوێ دەخرێت.

وەزارەتەکە جەختی لەوە کردووەتەوە، پڕکردنەوەی فۆڕمی ئەلیکترۆنی گەرەنتی دامەزراندن ناکات مەگەر لەلایەن وەزارەتی داراییەوە تەرخان نەکرێت.













گەلەری