PM:08:42:23/08/2025
1020 جار خوێندراوەتەوە
پۆلیسى گەرمیان، کەسێکیان دەستگیرکردووە کە ٢٥ کارتۆن رۆنی ئۆتۆمبێلی لە ناحیەی رزگاری دزیبوو و بەنیازبوو لە ناوچەی پیشەسازی کەلار بیفرۆشێتەوە.
ئەمڕۆ شەممە ٢٣ـی ئابی ٢٠٢٥، عەلی جەمال، وتەبێژی پۆلیسی گەرمیان لە راگەیەندراوێکدا وتی، "دوای ئەوەی هاوڵاتییەک پەیوەندی بە هێڵی گەرمی پۆلیسی فریاکەوتنی کەلارەوە کرد و ئاگاداری کردینەوە لە حاڵەتێکی دزیکردن، دەستبەجێ مەفرەزەیەکی پۆلیسی فریاکەوتنی کەلار چوونەتە شوێنی رووداوەکە".
ئاماژەی
بەوەشکردووە، هێزەکانی پۆلیس لە ناوچەی پیشەسازی کەلار توانیویانە تۆمەتبارەکە
دەستگیربکەن، کە ئۆتۆمبێلێکی جۆری (بی ئێم)ی پێبووە و ٢٥ کارتۆن رۆنی ئۆتۆمبێلی لە
ناحیەی رزگاری دزیبوو و ویستویەتی لە ناوچەی پیشەسازی ساغی بکاتەوە.
وتەبێژی پۆلیسی
گەرمیان ئەوەشی خستەڕوو، تۆمەتبارەکە دانی بە تاوانەکەیدا ناوە و لە ئێستادا بە
بڕیاری دادوەر و بەپێی مادەی ٤٤٦ لە یاسای سزادان بەندکراوە.
