PM:06:49:23/08/2025
1204 جار خوێندراوەتەوە
بەڕێوەبەری کۆچ و کۆچبەران و وەڵامدانەوەی قەیرانەکان دەڵێت، لە کوژاندنەوەی ئاگرەکەی هەڵەبجەدا نزیکەی شەش ملیۆن دینار بۆ خواردن و سووتەمەنی خەرجکراوە.
ئەمڕۆ شەممە ٢٣ـی ئابی ٢٠٢٥، فریاد نەجمەدین، بەڕێوەبەری کۆچ و کۆچبەران و وەڵامدانەوەی قەیرانەکان، لە کۆنفرانسێکی رۆژنامەنووسیدا لە هەڵەبجە رایگەیاند، لەکاتی کوژاندنەوەی ئاگرەکەی سنووری هەڵەبجەدا هیچ کەمتەرخەمییەک نە لەلایەنی مرۆیی و ئامێرەکان نەبووە.
ئاماژەی بەوەشکردووە، کۆی گشتیی ئەو پارەیەی لە خواردن، سووتەمەنی و دابینکردنی ئامێر لەماوەی سێ رۆژدا خەرجکراوە نزیکەی شەش ملیۆن دینار بووە.
ئەوەش لە کاتێکدایە، ئاگرێکى گەورە لە سنوورى گوندەکانى
چنار و مۆدرین لە پارێزگاى هەڵەبجە کەوتەوە بەرگریی شارستانیی
هەڵەبجەش وتی، بەهۆی ئاگرەکەوە دوو کەس گیانیان لەدەستدا کە یەکێکیان وەکو خۆبەخش
چووبوو بۆ کوژاندنەوەی ئاگرەکەوە و ئەوەی دیکەش کارمەندێکی پۆلیسی دارستان و ژینگەی هەڵەبجەیە، هاوڵاتیانیش وتیان بەهۆی
نەبوونی ئامێری پێشکەوتووەوە کۆنترۆڵکردنی ئاگرەکە زۆری پێچوو.
