PM:05:00:23/08/2025
1044 جار خوێندراوەتەوە
كۆمسیۆنی باڵای سەربەخۆی هەڵبژاردنەكانی عێراق گرێبەستی لەگەڵ تۆڕی راگەیاندنی عێراق بۆ چاپكردنی تۆماری دەنگدەران و چاپكراوە ناهەستیارەكان واژۆ كرد.
ئەمڕۆ شەممە ٢٣ـی ئابی ٢٠٢٥، كۆمسیۆنی باڵای سەربەخۆی هەڵبژاردنەكانی عێراق وتی، لەگەڵ چاپخانەكانی تۆڕی راگەیاندنی عێراق رێككەوتن بۆ چاپكردنی تۆماری دەنگدەران و چاپكراوە ناهەستیارەكان بۆ هەڵبژاردنی پەرلەمانی عێراق.
كۆمسیۆنەكە لە
راگەیاندراوێكدا ئاماژە بە گرنگیی هاوكاری نێوان تۆڕی راگەیاندنی عێراق و كۆمسیۆنەكە
دەكات، كە یەكێكە لە دەزگاكانی حكومەت، ئەمەش لە پێناو پاڵپشتیی كارەكانی كۆمسیۆنی
باڵای هەڵبژاردن، بە تایبەتی لە رووی میدیایی و هونەری، هەروەها دابینكردنی
پێداویستە لۆجستییەكان بە باشترین شێوە بۆ هەڵبژاردنی پەرلەمانی عێراق.
هەڵبژاردنی
خولی شەشەمی پەرلەمانی عێراق بڕیارە لە ١١ـی مانگی تشرینی دووەمـی ئەمساڵ بەڕێوەبچێت،
كۆمسیۆنی باڵای سەربەخۆی هەڵبژاردەكانی عێراق سەرپەرشتی دەكات، كە ئێستا بە چڕی
كاردەكەن بۆ جێبەجێكردنی خشتەی كارەكانیان بە هاوكاری وەزارەت و فەرمانگەكان.
