PM:04:31:23/08/2025
2220 جار خوێندراوەتەوە
لە سنووری شێخان کۆگایەکی هەڵگرتنی پەتاتە ئاگری گرت، بەرگری شارستانی ئاکرێش دەڵێت، زیانی گیانی نییە و تەنیا زیان بەر کۆگاکە و بەرهەمی پەتاتەی جوتیارانی ناوچەکە گەیشتووە.
ئەمڕۆ شەممە ٢٣ـی ئابی ٢٠٢٥، پەیامنێری ئێن ئاڕ تی وتی، کۆگاکە دەکەوێتە نزیک گوندی زیناڤا میری لە ناحیەی کەڵەکچی، بەهۆی ئاگرەکەوە زیاتر لە سێ هەزار تن کە لەنێو کۆگاکەدا بوون، سووتاون.
چاوگێک لە بەرگری
شارستانی ئاکرێش بە ئێن ئاڕ تی وت، شوێنی رووداوەکە بنکەی شێخانە، بەڵام تیمەکانیان
بۆ هاوکاریکردن، چوونەتە شوێنی رووداوەکە و خەریکی کونتڕۆڵکردنی ئاگرەکەن.
ئاماژەی
بەوەشکردووە، لەئێستادا شەش تیم لەوێن و زیانی گیانی نییە و تەنیا زیان بەر کۆگاکە
و بەرهەمی پەتاتەی جوتیارانی ناوچەکە گەیشتووە.
