PM:03:02:23/08/2025
892 جار خوێندراوەتەوە
کۆمسیۆنی باڵای هەڵبژاردنەکانى عێراق بەردەوامە لە ئامادەکارییەکانی بۆ هەڵبژاردنی پەرلەمانى عێراق و دەڵێت، نزیکەی ٧٠ هەزار ئامێری دەنگدان گەیشتونەتە نوسینگەکانی کۆمسیۆن و خۆیان پڕۆگرامی ئامێرەکان دەکەن.
ئەمڕۆ شەممە ٢٣ـی ئابی ٢٠٢٥، عیماد جەمیل، سەرۆکی تیمی راگەیاندنی کۆمیسیۆنی هەڵبژاردنەکانی عێراق بڵاویکردەوە، ئامێرەکانی دەنگدان لە کۆریای باشورەوە گەیشتوون و بەسەر کۆگاکانی نووسینگەکانی کۆمسیۆن لە پارێزگاکان دابەشکراون کە ژمارەیان نزیکەی ٧٠ هەزار ئامێرە.
وتیشی، ئامێری
دەنگدانی یەدەگیش هەن کە بەسەر نزیکەی ٤١ هەزار وێستگەی دەنگداندا دابەش دەکرێن.
پێشتریش،
کۆمسیۆن بە ئێن ئاڕ تی وت، ئەمساڵ لەریگەی ئامێرێکەوە چارەسەری کێشەى نەخوێندنەوەى
پەنجەمۆریشیان کردووە بۆ ئەو کەسانەى کە ئامێرەکە پەنجەمۆریان ناخوێنێتەوە.
ئەمەش
لەکاتێکدایە، بڕیارە هەڵبژاردنی پەرلەمانی عێراق لە ١١ـی مانگی ١١ـی ئەم ساڵدا
بکرێت کەزیاتر لە حەوت هەزار کەس خۆیان کاندید کردووە.
