PM:12:06:23/08/2025
1772 جار خوێندراوەتەوە
بەڕێوەبەرایەتی رێکخستنی پسووڵەی خۆراکی هەولێر بە ئێن ئاڕ تی راگەیاند، بریکارەکانی خۆراک ئاگاداردەکاتەوە کە پێویستە ئەپی وەتسئەپ و تێلێگرام لە مۆبایلەکانیاندا هەبێت بۆ وەرگرتنی لیستی بەشەخۆراکی مانگانە.
ئەمڕۆ شەممە ٢٣ـی ئابی ٢٠٢٥، بەڕێوەبەرایەتی رێکخستنی پسووڵەی خۆراکی هەولێر بە ئێن ئاڕ تی وت، لەم مانگە بەدواوە رێگەی ناردنی لیستی بەشەخۆراکی مانگانە دەگۆڕدرێت و پێویستە سەرجەم بریکارەکانی خۆراک دوو بەرنامە لە مۆبایلەکانیاندا دابەزێنن.
وتیشی، لەم مانگەوە هەردوو ئەپڵیکەیشنی وەتسئەپ و تێلێگرام
بەکاردەهێنن بۆ ناردنی لیستەکە، واتە چیتر بە نووسراوی کاغەزی نییە و لە رێگەی
یەکێک لەو دوو بەرنامەیە دەنێردرێت.
دەشڵێت، هەر بۆیە پێویستە بە زووترین کات بریکارەکانی
خۆراک ئەو دوو بەرنامەیە لە مۆبایلەکانیان دابەزێنن.
هاوکات تا ٢٥ـی
ئەم مانگە مۆڵەت دراوەتە هاووڵاتییان خۆیان لە ئاپی پسووڵەی خۆراک تۆمار بکەن.
هێرش قادر- هەولێر
