AM:05:52:22/08/2025
4176 جار خوێندراوەتەوە
سەرۆکی حکومەتی ماوەبەسەرچووی هەرێم لەبارەی گرژییەکانی شاری سلێمانی پەیامێکی بڵاوکردەوە و دەڵێت، پێویستە هەموو لایەک دان بە خۆیاندا بگرن و دەست بەجێ ئەو پێکدادانانە رابگیرێت.
ئەمڕۆ هەینی ٢٢ـی ئابی ٢٠٢٥، مەسرور بارزانی، سەرۆکی حکومەتی ماوەبەسەرچوو رایگەیاند، "ئەم گرژی و پێکدانانەی لە سلێمانی روودەدات ئاسایش و سەقامگیریی هەرێمی کوردستان دەکاتە ئامانج، بۆیە پێویستە هەموو لایەک دان بە خۆیاندا بگرن و دەست بەجێ ئەو پێکدادانانە ڕابگیرێت و گەنجانی ئەم وڵاتە نەکرێنە قوربانی.
سەرۆکی حکومەتی
ماوەبەسەرچوو باسی لەوەشکرد، هەر کێشە و ناکوکییەک هەبێت پێویستە بە رێگەی یاسایی
چارەسەر بکرێت.
ئاماژەی بەوەشکرد،
"لەگەل هەموو لایەنەکان لە هەوڵدام بۆ ئەوەی کۆتایی بەم گرژیانە بهێنرێت و رێگە
لە خوێن رشتن و توندوتیژی بگیرێت".
ئەم پەیامەی
مەسرور بارزانی لەکاتێکدایە، لەئێستادا لە گەڕەکی سەرچناری شاری سلێمانی
رووبەڕووبوونەوە هەیە لەنێوان هێزەکانی لالەزار و هێزە ئەمنییەکانی یەکێتی.
