PM:11:32:20/08/2025
2280 جار خوێندراوەتەوە
لە سەر رێگای حاجیاوا بۆ سەروچاوە، ئۆتۆمبێلێکی بارهەڵگر و ماتۆڕسکیلێک پێکیاندادا و بەهۆیەوە شوفێری ماتۆڕسکیلەکە گیانی لەدەستدا.
ئەمڕۆ چوارشەممە ٢٠ـی ئابی ٢٠٢٥، عەلی عەبدوڵا، وتەبێژی هاتووچۆی راپەڕین بە ئێن ئاڕ تی وت، رووداوێکی هاتووچۆ لە جۆری پێکدادان لەسەر شەقامی گشتی حاجیاوا بۆ سەروچاوە روویدا، بەهۆیەوە ماتۆرسوارەکە گیانی لەدەستداوە و تەرمەکەی بۆ توێکاری رەوانەی پزیشکی دادی رانیە کراوە.
لەلایەکی ترەوە
چاوگێکیش لە نەخۆشخانەی فریاکەوتنی رانیە بە ئێن ئاڕ تی وت، "تەرمی
هاوڵاتییەکە گەیەندراوەتە نەخۆشخانەکەمان و دوای تەواوبوونی رێکارەکانی توێکاری،
رادەستی کەسوکارەکەی دەکرێتەوە".
بەپێی
زانیارییەکانیش، ئەو کەسەی گیانی لەدەستداوە تەمەنی ٤٤ ساڵە، خێزاندارە و
دانیشتووی ناحیەی حاجیاوایە.
لەکاتی
گەڕانەوەی لەسەر کارەکەی بە ماتۆڕسکیلەکەی تووشی رووداوەکە بووە و بڕیارە هەر
ئەمشەو لە حاجیاوا بەخاک بسپێردرێت.
