PM:07:52:13/08/2025
3536 جار خوێندراوەتەوە
بزوتنەوەی دیموکراتیی ئاشووری رایگەیاند، بە توندی ئیدانەی دەستگیرکردنی سەرۆکی جوڵانەوەی نەوەی نوێ دەکەین. دەشڵێت، دەستگیرکردنی شاسوار عەبدولواحید، بەو شێوەیە پڕۆسەی سیاسی و دیموکراسی و ئازادی چالاکیی سیاسی و حزبی لە هەرێمی کوردستان دەکاتە ئامانج.
ئەمڕۆ چوارشەممە ١٣ـی ئابی ٢٠٢٥، بزوتنەوەی دیموکراتیی ئاشووری لە راگەیەندراوێکدا بڵاویکردەوە، ئامانج لە دەستگیرکردنی شاسوار عەبدولواحید، سەرۆکی جوڵانەوەی نەوەی نوێ، بێدەنگکردنی دەنگە ناڕازییەکانە و بە توندی ئیدانەی دەکەن.
لە راگەیەندراوەکەدا ئاماژە بەوەشکراوە، دەستبەجێ داوای ئازادکردنی شاسوار
عەبدولواحید دەکەین، چونکە هیچ پڕۆسەیەکی سیاسی بەبێ ئۆپۆزسیۆنێکی راستەقینە و باوەڕپێکراو
نابێت.
دەشڵێت، ئێمە پشتگیری لە پرۆسەیەکی دادوەری دادپەروەرانە و شەفاف دەکەین، بەڵام
ئەم جۆرە ئۆپەراسیۆنانەی کە سەرکردە سیاسییەکان دەکەنە ئامانج، بەهۆی ئەجێنداکانەوە
دەجووڵێنرێن کە ئامانجیان بێدەنگکردنی دەنگە ناڕازییەکانە.
