PM:04:28:13/08/2025
14700 جار خوێندراوەتەوە
پەیامنێری ئێن ئاڕ تی رایگەیاند، رووداوێکی تەقەکردن لە گوندی قەمچۆخەی سنووری دوکان روویداوە و بەوتەی چەند شایەتحاڵێکیش، لە ماڵێکدا دوو کەس کوژراون و چوار کەسی دیکەش بریندار بوون و بەپێی زانیارییە سەرەتاییەکان سەرجەمیان ئەندامی یەک خێزانن.
ئەمڕۆ چوارشەممە ١٣ـی ئابی ٢٠٢٥، پەیامنێری ئێن ئاڕ تی باسی لەوەکرد، لە گوندی قەمچوخەی سنووری دوکان رووداوێکی تەقەکردن روویداوە و بەپێی زانیارییە سەرەتاییەکان دوو کەس لە رووداوەکەدا گیانیان لەدەستداوە.
چەند
شایەتحاڵێک لە شوێنی رووداوەکە بە ئێن ئاڕ تیان وت، کەسێک چووەتە سەر ماڵە
خەزورانی پێشووی و میوانێک کە لە ماڵەکەدا بووە و دەستڕێژی گوللەی لێکردوون و
بەپێی زانیارییەکان خێزانی پێشووی کوشتووە و خەسو و منداڵێکی بریندار کردووە کە خەسوی
بە سەختی بریندارە و لە ئێستادا کوژرا و بریندارەکان رەوانەی سلێمانی کراون.
