PM:02:34:13/08/2025
1016 جار خوێندراوەتەوە
وەزارەتی دەرەوەی رووسیا دەڵێت، پابەندن بە ئەنجامدانی گفتوگۆ و لوتکەیەکی سەرکەوتوو لەگەڵ ئەمریکا لە ١٥ـی ئەم مانگە؛ ئەمریکاش دەڵێت، لوتکەکە لەسەر داوای پوتن بووە.
ئەمڕۆ چوارشەممە ١٣ـی ئابی ٢٠٢٥، وەزارەتی دەرەوەی رووسیا ئاماژەی بەوە کردووە، هەردوولا پابەندبوونی خۆیان بۆ ئەنجامدانی گفتوگۆیەک و لووتکەیەکی سەرکەوتوو لە ١٥ـی ئاب دووپاتکردووەتەوە.
لە بەرامبەریشدا وەزارەتی دەرەوەی ئەمریکا دەڵێت، وەزیری دەرەوەی
وڵاتەکەیان و وەزیری دەرەوەی رووسیا پەیوەندییەکی تەلەفۆنیان ئەنجامداوە و
گفتوگۆیان لەسەر لوتکەی رۆژی هەینی کردووە، لوتکەکەش لەسەر داوای پوتن بووە.
ئەوەش لە کاتێکدایە، بڕیارە ١٥ـی ئەم مانگە دۆناڵد ترەمپ، سەرۆکی ئەمریکا و
ڤلادمێر پوتن، سەرۆکی روسیا لە ئالاسکا کۆببنەوە و گفتوگۆ بکەن لەسەر جەنگی روسیا
و ئۆکرانیا.
