PM:12:40:13/08/2025
1960 جار خوێندراوەتەوە
ئاژانسی فرانس پرێس دەڵێت، دەستگیرکردنی سەرۆکی جوڵانەوەی نەوەی نوێ لەدوای ئەوە دێت کە چەند رۆژێک لەمەوبەر لە راگەیەندراوێکدا هۆشداری دا "ئەگەر لەم هەفتەیەدا پرسی مووچە چارەسەر نەکرێت، ئەوا نەوەی نوێ هەڵوێستێکی جددی دەگرێتەبەر".
ئەمڕۆ چوارشەممە ١٣ـی ئابی ٢٠٢٥، دەستگیرکردنی شاسوار عەبدولواحید، سەرۆکی جوڵانەوەی نەوەی نوێ لەلایەن هێزێکی یەکێتییەوە لە درەنگانی شەوی رابردوودا کاردانەوەی ناوخۆیی و دەرەکی لێکەوتەوە، ئاژانسی فرانس پرێس بە دەستگیرکردنی سەرۆکی گەورەترین حزبی ئۆپۆزسیۆن لە هەرێمی کوردستاندا لە مانشێتی هەواڵەکانیدا ناوی هێنا.
ئاژانسەکە لە زاری
چاوگێکی ئەمنییەوە باسی لەوەشکرد، ئەم بڕیارە رەنگە رۆژی چوارشەممە لەلایەن دادگاوە
هەڵبوەشێندرێتەوە و دووبارە پێداچوونەوە بە دۆسیەکەدا بکرێت، یان سەرۆکی جوڵانەوەکە بە کەفالەت ئازاد
بکرێت، یانخود دۆسیەکە بەو شێوەیە بمێنێتەوە.
وتیشی، دەستگیرکردنی سەرۆکی
جوڵانەوەی نەوەی نوێ لەدوای ئەوە دێت کە چەند رۆژێک لەمەوبەر لە راگەیەندراوێکدا
هۆشداری دا، کە ئەگەر لەم هەفتەیەدا پرسی مووچە چارەسەر نەکرێت، ئەوا نەوەی نوێ هەڵوێستێکی
جددی دەگرێتەبەر.
ئاماژەی بەوەشکرد،
شاسوار عەبدولواحید، لە ساڵانی رابردوودا چەندین جار دەستگیرکراوە و هەوڵی تیرۆرکردنی
دراوە، بە هۆکاری ئەوەی کە بەردەوام دژی گەندەڵی لە ناوچەکەدا رەخنەی ئاڕاستەی دوو
لایەنی دەسەڵاتداری سەرەکی هەرێمی کوردستان کردووە و بانگەشەی بۆ بەرەنگاربوونەوەی
بێکاری و هەژاری لە ناوچەکەدا چڕتر کردووەتەوە.
