لە حاڵەتێکی دەگمەندا لە دیالە منداڵێک لەدایکبوو کە شێوەیەکی سەیر و جیاوازی هەیە و ناوی لینراوە منداڵی ماسی.
ئەمڕۆ یەکشەممە ٣ـی ئابی ٢٠٢٥، سەرچاوەیەکی پزیشکی لە نەخۆشخانەی منداڵبوونی فێرکاریی ئەل بەتول لە شاری بەعقوبە، بە میدیا عێراقییەکانی وتووە، حاڵەتێکی دەگمەنی لەدایکبوون تۆمارکرا، کە تووشبووی نەخۆشییەکە لەرێگەی جیناتی بۆماوەیی دروستدەبێت، بەتایبەت لەنێوان هاوسەرگیری کەسە نزیکەکان.
کۆرپەکە بە
پێستێکەوە لەدایک بووە کە بە توێکڵ داپۆشراوە کە لە توێکڵی ماسی دەچێت.
ئەو سەرچاوەیە وتوویەتی،
منداڵەکە دوێنێ لەدایک بووە و تووشی نەخۆشییەکی بۆماوەیی دەگمەن بووە، کە کارکردنی
ئاسایی پێست تێکدەدات، ئەمەش دەبێتە هۆی دروستبوونی چینە ئەستوور و وشکەکان لەسەر رووی
پێست.
ئاماژەی
بەوەشکرد، ئەمە دووەم حاڵەتە لە جۆری خۆیدا کە لە ساڵی ٢٠٢٥دا لە نەخۆشخانەی ئەل
بەتول تۆمارکراوە و دواتریش خێزانی منداڵەکە کۆرپەکەیان بردەوە ماڵەوە لە ناوچەیەکی
دیالە.
سەرچاوەکە
جەختی لەوە کردووەتەوە، ئەم حاڵەتە تیشک دەخاتە سەر گرنگی پشکنینی بۆماوەیی پێش
هاوسەرگیری، بەتایبەتی لەو کۆمەڵگایانەی کە هاوسەرگیری خزمەکان باون، بۆ رێگریکردن
لە لەدایکبوونی منداڵی تووشبوو بە نەخۆشییە بۆماوەییە دەگمەن و ئاڵۆزەکان.