PM:01:08:03/08/2025
2404 جار خوێندراوەتەوە
بەڕێوەبەری بازرگانیی هەرێم وتی، ماوەی خۆتۆمارکردن و نوێکردنەوەی پسووڵەی خــۆراک بــە شێوازی ئەلیکترۆنــی تاكو ٢٥ـی ئەم مانگە بێ بەرامبەرە و دواتر رێکاری تر دەگرنەبەر.
ئەمڕۆ یەکشەممە، ٣ـی ئابـی٢٠٢٥، نەوزاد کامل لە راگەیەندراوێکدا باسی لەوە کردووە، تۆمارکردنی ئەلیکترۆنی پسولەى خۆراک تا ٢٥ـی ئاب بەبێ بەرامبەرە و دوای ئەو وادەیە ڕێکاری تر وەردەگیرێت بۆ قۆناغی دووەم.
وتیشی، سەرجەم هاوڵاتیانی هەرێمی کوردستان ئاگادار دەکەنەوە
ئەوە دوا وادەیە و ئەو هاوڵاتییانەی بەهەر بیانویەک خۆیان تۆمار نەکردوە ئەم دەرفەتە
لەدەست نەدەن و لەو ماوەیەدا هەر گرفتێکیان هەبووە چارەسەری بکەن و خۆیان تۆمار بکەن بە پێچەوانەوە بەشە خۆراکەکانیان ڕادەگیرێت تا فۆرمەکە پڕ دەکەنەوە.
وتیشی، هاوڵاتیانى هەرێم زیاتر لە پارێزگاکانی تری عێراق
بەشداری پرۆسەکەیان کردووە لەسەر ئاستی هەرێمیش لە هەڵەبجە زۆرترین هاوڵاتی خۆی تۆمار
کردووە کە لەسەدا ٨٨ـی تێپەڕاندوە.
