PM:12:41:03/08/2025
5680 جار خوێندراوەتەوە
وەزارەتی بەرگری سوریا دەڵێت، هەسەدە بە موشەک هێرشیان کردووەتەسەر هێزەکانمان و هەسەدەش رەتیدەکاتەوە و دەڵێت، هێزەکانی ناو سوپای سوریا سەرەتا هێرشیان کردووە و وەڵامیان داونەتەوە.
ئەمڕۆ یەکشەممە، ٣ـی ئابـی٢٠٢٥، بەشی ڕاگەیاندن و پەیوەندییەکانی وەزارەتی بەرگریی وتی، هێزەکانی هەسەدە بەشێویەکی نابەرپرسانە بە هێرشی مووشەکیی ماڵی دانیشتوانی گوندی کەیاریە و گوندەواری مەنبەجیان کردە ئامانج، بەو هۆیەوە چوار کارمەندی سوپا و سێ هاوڵاتی مەدەنی برینداربوون.
هاوکات، هەسەدە لە وەڵامدا دەڵێت، ئەوەی وەزارەتی بەرگریی
سووریا دەیڵێت، ڕاست نییە، هیزەکانی ناو سوپای سوریا بەردەوامن لە دروستکردنی گرژی
بۆ ناوچەی دێر حافر و ١٠ مووشەکیان ئاڕاستەی خەڵکی مەدەنی کردووە، ئێمەش مافی خۆمانە
بۆ بەرگریکری لەخۆمان بکەین.
وتیشی، داوا لە حکومەتی سووریا دەکەن کۆنترۆڵی گرووپەچەکدارەکان
بکات و رێز لە سەقامگریی ناوچەکەش بگرێت.
