PM:12:30:03/08/2025
944 جار خوێندراوەتەوە
لە یادی ١١ ساڵەی ئێزیدیەکاندا مەسعود بارزانی وتی، ئەو تاوانەی تیرۆریستانی داعش یازدە ساڵ بەر لە ئێستا لە دژی خوشك و برا ئێزیدییەكانمان ئەنجامیان دا تاوانێك بوو هەموو سنوورەكانی نامەردی و دڕندەیی تێپەڕاندبوو، ئەمە ئازارێكە هەرگیز لە یادمان ناچێت.
ئەمڕۆ یەکشەممە، ٣ـی ئابـی٢٠٢٥، مەسعود بارزانی وتیشی، قەدەری گەلی كورد ئەوە بووە كە هەمیشە دوژمنی دڵڕەق و بێویژدانی هەبووە و كارەسات لەدوای كارەسات بەرۆكی گەلی كوردستانی گرتووە، ئەوەی لەدژی خوشك و برایانی ئێزیدی ڕووی دا درێژكراوەی ئەو زنجیرە كارەساتانەیە كە لەدژی گەلی كوردستان ئەنجام دراون.
ئاماژەی بەوەشکرد، ڕۆڵی هێزی پێشمەرگەی
كوردستان و هەموو ئەو قارەمانانە بەرز دەنرخێنین كە مێژووییەكی پڕشنگداریان تۆمار
كرد و بۆ ئازادكردنی چیای شنگال و شنگال خوێنیان بەخشی و تۆڵەیان لە تیرۆریستانی
داعش كردەوە و سەری تیرۆریستانیان خستە ژێر پێی ئێزیدییەكان.
دەشڵێت، زۆر سوپاسی هێزەكانی هاوپەیمانان دەكەین كە لە یارمەتیدانی
پێشمەرگە و تێكشكاندنی داعش ڕۆڵێكی بەرچاویان بینی.
لە کۆتایشدا دەڵێت، لە یازدەهەمین ساڵیادی كارەساتی
شنگالدا سڵاو بۆ گیانی شەهیدان و قوربانیانی ئەو تاوانە و هەموو ئەو تاوان و كۆمەڵكوژیانە
دەنێرین كە بەسەر گەلی كوردستاندا هاتوون.
