PM:11:05:02/08/2025
1616 جار خوێندراوەتەوە
دژی نەبوونی ئاو و کارەبا و خزمەتگوزاری دانیشتوانی کفری گردبوونەوەو دەڵێن، کەمتر لە هەشت کاتژمێر کارەبایان پێدەدرێت و ئاویشیان وەک پێویست بۆ بەرنادرێتەوە، وتیشیان دەسەڵاتداران چاویان تەنها لە گیرفانی خۆیانە نەک دۆخی هاوڵاتیان.
ئەمڕۆ شەممە ٢ـی ئابی ٢٠٢٥، ، بەشێک لەدانیشتوانی کفری سەر بەئیدارەی گەرمیان، لەنزیک فلکەی ئازادی لەبەرامبەر کەمی پێدانی کارەبای نیشتیمانی بە شارەکەیان، دەستیان بە خۆپیشاندان کرد.
بەشێک لەو هاوڵاتییانە بۆ ئێن ئاڕ تی ئاماژەیان بەوەشکرد، کەمتر لە هەشت
کاتژمێر کارەبایان پێدەدرێت و ئاویشیان وەک پێویست بۆ بەرنادرێتەوە.
باسیان لەوەشکرد،
خۆپیشاندانەکەی
ئەمشەو، وەک ئاگادارکردنەوەیەکە بۆدەسەڵاتی ناوچەکه، تا خەمی کەمی کارەبا بخۆن و
بە زووی کارەبای ناوچەکە چارەسەربکەن، ئەگەریش بەم شێوەی ئێستا بەردەوام بێت، ئەوا
درێژە بەخۆپیشاندان دەدەن ،تا کێشەکەیان چارەسەربکەن.
