PM:12:05:09/07/2025
6248 جار خوێندراوەتەوە
پەیامنێری ئێن ئاڕ تی دەڵێت، شەڕی بەشێک لە عەشیرەتی هەرکی و پارتی لە رێگەی هەولێر ـ گوێر دەستی پێکردووەتەوە و لە ئێستادا عەشیرەتی هەرکی رێگاکەیان لە بەردەم پاڵاوگەی لاناز گرتووە و رێگە نادەن هیچ ئۆتۆمبێلێک لەو رێگایەوە تێپەڕببێت.
ئەمڕۆ چوارشەممە ٩ـی تەمموزی ٢٠٢٥، پەیامنێری ئێن ئاڕ تی وتی، شەڕی عەشیرەتی هەرکی و پارتی لە رێگەی هەولێر ـ گوێر دەستی پێکردووەتەوە و عەشیرەتی هەرکی رێگاکەیان داخستووە.
ئاماژەی بەوەشکرد، لە ئێستادا عەشیرەتی هەرکی رێگاکەیان لە بەردەم پاڵاوگەی لاناز گرتووە و رێگە نادەن هیچ ئۆتۆمبێلێک لەو رێگایەوە تێپەڕببێت.
ئەوەش لە کاتێکدایە، شەوی رابردوو ب
ەشێک
لە عەشیرەتی هەرکی دژی پارتی وەستانەوە و شەڕ لە نێوانیاندا دروستبوو، چەندین
ئۆتۆمبێل و هەمەری پارتیان تێکشکاند، بەهۆی شەڕەکەشەوە دوو کەس کوژران و ژمارەیەکی
دیکەش برینداربوون و تا ئێستاش شەڕ بەردەوامە، هاوکات ستافێکی رۆژنامەوانی ئێن ئاڕ
تیش لەلایەن هێزێکی پارتییەوە لە سنووری بەردەڕەش بۆ شوێنێکی نادیار رفێندران.
خورشید هەرکیش وتی، لە کوردستاندا یاسا بوونی نییە و پارتی بە هەموو چەکێکی
قورس دژی ئەوان شەڕ دەکات و ئەو کارەیان ئەنفالکردنی گوندەکەیانە و وتیشی، پارتی
داوای گفتوگۆی لێکردوون بەڵام دۆخەکە لە کۆنتڕۆڵ دەرچووە و مەسرور بارزانیش
ناتوانێت شەڕەکە رابگرێت، دەشڵێت تا هێزەکانی پارتی نەکشێنەوە بەردەوام دەبن لە
شەڕ کردن و زیاتر لە ٢٠ هەزار هەرکی ئامادەیە بۆ مردن.
