سەردێڕ:

پزیشک و کارمەندانی نەخۆشخانەیەک لە چەمچەماڵ بایکۆتی دەوامیان کرد

PM:03:22:06/07/2025

1204 جار خوێندراوەتەوە

پەیامنێری ئێن ئاڕ تی دەڵێت، بەهۆی پێنەدانی مووچەکانیانەوە، پزیشک و کارمەندانی نەخۆشخانەی شەهید پێشڕەو لە چەمچەماڵ بایکۆتی دەوامیان کردووە و دەشڵێن، تا مووچەکانیان پێ نەدەن دەوام ناکەن.


ئەمڕۆ یەکشەممە ٦ـی تەموزی ٢٠٢٥، پەیامنێری ئێن ئاڕ تی وتی، بەهۆی پێنەدانی مووچەکانیانەوە، پزیشک و کارمەندانی نەخۆشخانەی شەهید پێشڕەو لە چەمچەماڵ بایکۆتی دەوامیان کرد.

ئاماژەی بەوەشکرد، لە ئێستادا سەرجەم بەشەکانی نەخۆشخانەکە داخراون تەنها بەشی فریاکەوتنی نەخۆشخانەکە دانەخراوە، ئەوەش لە بەرژەوەندی هاوڵاتییانی سنوورەکە.

هاوکات، دادنوسی چەمچەماڵ و ناحیەی شۆڕشیش نزیکەی مانگێکە بایکۆتیان کردووە و ئەمڕۆش نەخۆشخانەی شەهید پێشڕەویش بایکۆتی دەوامیان کرد.

ئەوەش لە کاتێکدایە، حکومەتی ماوەبەسەرچوو نە لەگەڵ بەغدا رێکدەکەوێت و داهاتی نەوتی و نانەوتی رادەست دەکات، نە خۆیشی ئامادەیە لە داهاتی ناوخۆ مووچەی مووچەخۆران بدات.













گەلەری