PM:04:17:24/06/2025
1116 جار خوێندراوەتەوە
پۆلیسی دارستان و ژینگەی پارێزگای سلێمانی دەڵێت، بە هۆکارێکى نادیار ئاگرێكی فراوان لە سنوورى شارباژێر كەوتەوە و لە ئەنجامیشدا ٥٠٠ دۆنم لە پووش و پاوان و ژمارەیەك داری سروشتی سووتان.
ئەمڕۆ سێشەممە ٢٤ـی حوزەیرانی ٢٠٢٥، بەپێی ڕاگەیەندراوی پۆلیسی دارستان و ژینگەی سلێمانی تیایدا هاتووە، شەوی رابردوو ئاگرێكی فراوان لە سنووری گوندەکانی (دێگەڵ، گردە زبێر) لە شارباژێڕ کەوتەوە.
ئاماژە بەوەشکراوە، دەستبەجێ مەفرەزەیەكی بەشی پۆلیسی دارستانی
شارباژێڕ گەیشتوونەتە شوێنی دیاریکراو و لە ئەنجامدا بە هاوکاری هەردوو
(ئاگرکوژێنەوەی چوارتا و ماوەت) و خەڵکی ناوچەکە توانرا ئاگرەکە بکوژێنەوەو و
کۆنترۆڵ بکرێت چەندین رەزو باخی هاوڵاتیان لە سووتان بپارێزن.
باس لەوەشکراوە، بەهۆی ئاگرەکەوە نزیکەی ٥٠٠ دۆنم لە پوش و پاوان و
داری سروشتی سووتان و هەروەها چەند رەزو باخێك زیانیان پێگەیشت.
