AM:10:51:22/05/2025
4104 جار خوێندراوەتەوە
بەڕێوەبەری گشتی لە وەزارەتی بازرگانی و پیشەسازی حکومەتی کاربەڕێکەر بە ئێن ئاڕ تی وت، لە نزیکترین کاتدا هەر یەک لە پارێزگاکانی هەولێر، دهۆک و سلێمانی دەچنە ناو سیستمی فۆڕمی خۆراکی ئەلیکترۆنییەوە.
ئەمڕۆ پێنجشەممە ٢٢ـی ئایاری ٢٠٢٥، بەڕێوەبەری گشتی لە وەزارەتی بازرگانی و پیشەسازی حکومەتی کاربەڕێکەر بە ئێن ئاڕ تی راگەیاند، لە نزیکترین کاتدا پارێزگاکانی هەولێر دهۆک سلێمانی دەچنە ناو سیستمی فۆڕمی خۆراکی ئەلیکترۆنییەوە و هاوڵاتییان لە رێگەی ئەپڵیکەیشنەوە دەتوانن پڕی بکەنەوە.
ئاماژەی بەوەشکرد، داوا لە هاوڵاتییان دەکەن کە ئەو
ئەپڵیکەیشنە ئامادە بکەن بۆ ئەوەی هەر کاتێک ناوی پارێزگاکان زیاد کرا ئەوان رێکارەکانی
خۆیان بگرنەبەر.
وتیشی، پێویستە هەر هاوڵاتییەکی هەرێم خاوەنی کارتی
نیشتیمانی بێت لە گەڵ فۆڕمی خۆراکەکەی پێشووتری کە هەیەتی لە بەردەستیدا بێت بۆ
کاتی پڕکردنەوە و ئەو کەسانەشی دەتوانن لە رێگەی ئەپڵیکەیشنەکەوە ناوی خۆیان تۆمار
بکەن پێویستە ناویان لەسەر فۆڕمی خۆراکی خێزانەکەیان هەبێت.
هێرش قادر ـ هەولێر
