PM:12:02:14/05/2025
55284 جار خوێندراوەتەوە
دوای نزیکەی ٥٠ رۆژ، ئەمڕۆ دابەشکردنی مووچەی مانگی چوار دەستیپێکرد و سبەینێش مووچەی زۆربەی وەزارەتەکان دابەش دەکرێت، لەسەر مووچەی مانگی پێنجیش چاوگێکی باڵا لە حکومەتی کاربەڕێکەر بە ئێن ئاڕتی وت، یەکشەممەی داهاتوو دەست بە ئامادەکردنی لیستی مووچەی مانگی پێنج دەکەن بۆ ئەوەی پێش جەژنی قوربان مووچەی مانگی پێنجیش دابەش بکرێت.
ئەمڕۆ چوارشەممە ١٤ـی ئایاری ٢٠٢٥، چاوگێکی باڵا لە حکومەتی کاربەڕێکەری هەرێم بە ئێن ئاڕ تی راگەیاند، هەوڵدەدەن لەماوەی دوو بۆ سێ رۆژدا لیستی مووچەی مانگی پێنج ئامادە بکەن و رادەستی بەغدای بکەن، ئەوەش بە ئامانجی ئەوەی پیش جەژن مووچەی مانگی پێنج بگاتە هەرێم و دەست بە دابەشکردنی بکرێت.
هاوکات، بەپێی ئەو خشتەی وەزارەتی
دارایی هەرێم بۆ مووچەی مانگی چواری بڵاوکردەوە، سبەینێ مووچەی زۆربەی وەزارەتەکان
دابەش دەکرێت، وەک پەروەردە، دارایی، کاروباری شەهیدان، ئاوەدانکردنەوە، تەندروستی،
ناوخۆ، داد، سامانە سروشتییەکان، کشتوکاڵ، گواستنەوە، شارەوانی، پلاندانان دابەش
دەکرێت.
هەر سبەینێ پێنج شەممە، مووچەی خانەنشینانی
سەربازی و ئەنجومەنی دادوەری دابەش دەکرێت.
بەپێی خشتەکەش یەکشەممەی داهاتوو
مووچەی کاروباری کۆمەڵایەتی، رۆشنبیری، کارەبا، خوێندنی باڵا و ئەوقاف لەگەڵ سێ سەرۆکایەتییەکە و لیواکانی پێشمەرگەو هێزەکانی ٧٠ و ٨٠، پۆلیسی نەوت دابەش دەکرێت.
نـ.کـ
