PM:06:32:11/05/2025
2176 جار خوێندراوەتەوە
گەڕی چوارەمی دانوستانەکانی نێوان هەردو شاندی ئەمریکا و ئێران لە پایتەختی عومان کۆتایی هات، هەردوو شاند لە بارەی پرسی ئەتۆمی تاران و هەڵگرتنی سزاكانی سەر ئێران گفتوگۆیان كرد.
ئەمرۆ یەکشەممە ١١ی ئایاری ٢٠٢٥، عەباس عێراقچی، وەزارەتی دەرەوەی ئێران، لە راگەیەندراوێكدا بڵاویكردەوە، چوارەمین خولی دانوستانە ناڕاستەوخۆکانی ئێران و ئەمریکا لە مەسقەتی پایتەختی عومان بە سەرۆکایەتی ستیڤ ویتکۆف، نێردەی تایبەتی ترەمپ بۆ کاروباری رۆژهەڵاتی ناوەڕاست و عەباس عێراقچی، وەزیری دەرەوەی ئێران کۆتایی هات.
عەباس
عێراقچی وتیشی، هەرچەندە دانوستانەکە سەخت بوو، بەڵام سوودی هەبوو بۆ باشتر
تێگەیشتن لە هەڵوێستی یەکتر و دۆزینەوەی رێگای گونجاو واقیعی بۆ چارەسەرکردنی
کێشەکان.
ئاماژەی
بەوەشکرد، کات و شوێنی قۆناغی داهاتوی دانوستانەکان لەلایەن رێکخەری عومانییەوە،
لەماوەكانی داهاتوودا بڵاودەکرێتەوە.
ئەمەش
لە کاتێکدا، پێش كۆبونەوەكە عه‌باس عێراقچی، وه‌زیری ده‌ره‌وه‌ی ئێران بڵاویکردبووەوە،
هیوادارن لەم خولەدا بگەنە خاڵێکی یەکلاکەرەوە و پیتاندن یەکێکە لە دەسکەوت و
شەرەفەکانی نەتەوەی ئێران و باجێکی قورسیش بۆ ئەو پیتاندنە دراوە و خوێنی زانا
ئەتۆمییەکانیان لەپشت ئەو دەستکەوتەوەیە.
ڤ.ر
